Учащиеся и педагоги Центра творчества детей и молодёжи и летом продолжают работать и получать награды

Фантазіраваць і ажыццяўляць свае ідэі ўзяліся Вікторыя Мілешка і педагог дадатковай адукацыі Валянціна Вільеўна Віннічак – яны сталі ўдзельнікамі абласнога конкурсу творчых работ «Птушыны кірмаш», у выніку якога творчы дуэт заняў першае месца ў намінацыі «Выраб з прыроднага матэрыялу».

–  Конкурс праходзіў у рамках мегапраекта «Патрыятычны марафон сацыяльна-значных спраў «Паклонімся вялікім тым гадам», –  расказала дырэктар Цэнтра творчасці Вераніка Мар'янаўна Кумішча. –  Усяго ў Гродзенскі абласны эколага-біялагічны цэнтр дзяцей і моладзі было прадстаўлена 670 работ  з усіх раёнаў нашай вобласці. І першае месца, якое мы атрымалі на гэтым конкурсе, –  вельмі значная ацэнка нашай дзейнасці.

Яшчэ адну перамогу прынесла Цэнтру творчасці дзяцей і моладзі яго выхаванка Лізавета Дрэма, якая на гэты раз вырашыла прадэманстраваць навыкі ў фотамастацтве. На абласным конкурсе стэрэаздымкаў «Свет 3Д» фотаздымак астраўчанкі  быў ацэнены Дыпломам ІІІ ступені Гродзенскага абласнога цэнтра тэхнічнай творчасці ў намінацыі «Макраздымка».

У выніку сёлета Астравецкі цэнтр творчасці дзяцей і моладзі яшчэ раз пацвердзіў, што з'яўляецца адной з лепшых навучальных устаноў дадатковай адукацыі Гродзенскай вобласці, і  па выніках рэалізацыі абласной праграмы «Супрацоўніцтва» ў 2014-2015 гадах быў узнагароджаны Дыпломам ІІ ступені.

Віншуем!