У гімназістаў – новы лідар

Новым прэзідэнтам школьнага вучнёўскага самакіравання гімназіі № 1 стаў Яўген Андралойць.

Выбары ў гімназіі праходзяць раз у два гады сярод вучняў 9 – 11 класаў. Раней пасаду прэзідэнта займаў вучань цяпер ужо 11 класа Раман Грамбоўскі. Аднак тэрмін яго паўнамоцтваў скончыўся і надышоў час выбіраць новага вучнёўскага кіраўніка гімназіі.
Усё праходзіла, як на сапраўдных выбарах. Былі вылучаны тры кандыдаты ў прэзідэнты: Яўген Андралойць – вучань 10 “Б” класа, Антон Байдун (9 “В”) і Ксенія Васільчык  з 10 “А” класа. Кожны з іх падрыхтаваў сваю перадвыбарную праграму, з якой маглі пазнаёміцца ўсе выбаршчыкі. А 10 снежня быў аб’яўлены афіцыйным днём выбараў.
У выніку пасля падліку галасоў  найбольшую колькасць галасоў – 67 працэнтаў – набраў Яўген Андралойць.

Марына МАЦКЕВІЧ.