Старшеклассники-гимназисты приняли участие в тренинговых занятиях в рамках проекта "Островец - здоровый город"

11:16 / 20.05.2016

Запамінальнай выдалася мінулая субота для старшакласнікаў гімназіі №1. У рамках праекта “Астравец – здаровы горад” тут прайшлі трэнінгавыя заняткі з удзелам спецыялістаў з Гродзенскага абласнога цэнтра гігіены, эпідэміялогіі і грамадскага здароўя.

– З верасня наша гімназія сумесна з раённым і абласным цэнтрамі гігіены і эпідэміялогіі пачала рэалізоўваць першы этап праграмы “Школа, якая прапагандуе здаровы лад жыцця”, – расказвае дырэктар гімназіі №1 Алена Севасцьян. – На працягу навучальнага года кожная другая субота месяца праходзіць пад знакам здароўя. Сёння мы выйшлі на новы этап: наша праграма здароўя будзе апублікавана ў майскім нумары рэспубліканскага журнала “Здаровы лад жыцця” і яе змогуць выкарыстаць іншыя школы краіны.

– На працягу года ў гімназіі праходзілі мерапрыемствы не толькі з дзецьмі, але і з іх бацькамі і педагогамі, – працягвае фельчар-валеолаг раённага цэнтра гігіены і эпідэміялогіі Вячаслаў Саковіч. – Праведзены маніторынг груп здароўя ўсіх школьнікаў, анкетаванне дзяцей, іх бацькоў і педагогаў.

Не першы раз прыехалі ў гімназію і спецыялісты абласнога цэнтра гігіены. На гэты раз іх трэнінгавыя заняткі датычыліся прафілактыкі ВІЧ-інфекцыі, дзяцей вучылі адмаўляцца ад прапановы закурыць і гаварыць “не” на сацыяльны прымус.

Цікавыя прэзентацыі, пазнавальныя гульні, конкурсы і відэаролікі, аналіз праблемных сітуацый і ўдзел у ролевых гульнях – дзякуючы вопытным спецыялістам абласнога цэнтра гігіены Алене Раманчук, Жанне Скіба і Людміле Валкуновіч – дзень прайшоў цікава, насычана і карысна.

Алена ЯРАШЭВІЧ, фота аўтара.

Похожие новости