Школьники из Рымдюн приняли участие в выставке по стендовому моделированию "Оружие Победы"

На выставе былі прадстаўлены ўзоры баявой тэхнікі гадоў Вялікай Айчыннай вайны: танкі, самалёты, розная зброя, – а таксама дыярамы баявых дзеянняў. З разнастайнымі і надзвычай цікавымі экспанатамі мог пазнаёміцца кожны жадаючы.

Насычаная праграма выставы зрабіла гэтыя дні незабыўнымі. Нікога не пакінула раўнадушнымі ўрачыстае адкрыццё канферэнцыі, у якой сярод ганаровых гасцей былі сапраўдныя героі далёкай вайны – мудрыя і зусім маладыя сваімі думкамі і памкненнямі ветэраны былой вайны. Іх словы – наказ нам, маладым, любіць і шанаваць свой родны край, сваю Беларусь.

Час праляцеў вельмі хутка, але і за гэтыя кароткія два дні ўдзельнікі паспелі не толькі падзяліцца сваім вопытам і набытымі ведамі – мы знайшлі аднадумцаў і паспелі пасябраваць са сваімі равеснікамі і калегамі па захапленні мадэліраваннем.

І яшчэ раз упэўніліся, што цікавасць сучаснай моладзі да тых далёкіх вогненных гадоў не меншае, а ўдзячнасць усім, хто змагаўся за нашу Радзіму, па-ранейшаму жыве ў нашых сэрцах. Таму вяртацца дамоў, тым больш з узнагародай, было прыемна і радасна.