Подведены итоги конкурса на лучшее новогоднее украшение учреждений образования

Заходзіш у навучальную ўстанову – і пачынаецца магічнае дзейства, у якім могуць праявіць сябе і дзеці, і педагогі. Хтосьці выразае выцінанкі, нехта робіць ёлачкі з падручных матэрыялаў або стварае аб'ёмныя кампазіцыі. Словам творчасць, фантазія і неардынарнасць пануюць ва ўсім і ўсюды. І адразу ж адчуванне свята запаўняе кожнага чалавека і напаўняе радасцю.

А потым спецыяльна створаная камісія наведвае школы – і выносіць прысуд. Зрабіць гэта, як прызнаюцца ўдзельнікі агляду, складана, бо стараюцца ўсе.

У кожнай школе журы прымячае штосьці адметнае. Так, сёлета былі адзначаны арыгінальны падыход у афармленні кабінета гісторыі Рытанскага НПК, аб'ёмныя выцінанкі Падольскага НПК, афармленне фае Варнянскага НПК, выстава навагодніх ёлак, зробленых рукамі выхаванцаў сацыяльна-педагагічнага цэнтра.

А пераможцам навагодняга конкурсу стаў калектыў Гудагайскай школы, другое месца журы аддало Гервяцкай школе, а Міхалішкаўская і Альхоўская школы падзялілі трэцяе.