Островец присоединился к областной акции "Читаем вместе про войну"

19:13 / 04.05.2016

Гродзенская абласная навуковая бібліятэка імя Я.Карскага аб’явіла сёлета абласную акцыю па папулярызацыі кніг “Чытаем разам”, адным з патрабаванняў якой быў удзел прадстаўнікоў мясцовых улад, устаноў, арганізацый і вядомых людзей рэгіёну. Чарговае мерапрыемства акцыі было прымеркавана да святкавання Дня Перамогі. На гэты раз чыталі творы ваеннай тэматыкі.

Да гэтай акцыі далучылася і Астравецкая раённая бібліятэка. На мерапрыемства супрацоўнікі бібліятэкі запрасілі: заслужанага работніка культуры Беларусі, дэпутата раённага Савета дэпутатаў Блашкевіч Дануту Міхайлаўну, галоўнага спецыяліста аддзела ідэалагічнай работы, культуры і па справах моладзі Сунэлік Наталлю Станіславаўну, загадчыцу дзіцячай бібліятэкі Гірдзей Таццяну Іванаўну, спецыяліста аддзела адукацыі, спорту і турызму Трусевіч Людмілу Віктараўну, а таксама вучняў СШ № 2 і СШ№1.

Госці праглядзелі мультымедыйную прэзентацыю “Тэма вайны на старонках літаратуры”, пазнаёміліся з ваеннымі творамі, прадстаўленымі на кніжнай выставе “Старонкі мужнасці і гераізму” і зачыталі ўрыўкі з кніг і вершы беларускіх аўтараў, прысвечаныя вайне. Кранальна і душэўна з вучнаў дарослых гасцей гучалі ўрыўкі з кніг “Жураўліны крык” В. Быкава і “У вайны не жаночае аблічча” С. Алексіевіч, вершы “Дзеці вайны” П. Панчанкі і “Дзень Перамогі” М. Дуксы. Затым вядучыя перадалі эстафету школьнікам і бібліятэкарам, а свае ўласныя вершы прачытала жыхарка Астраўца Зубенка Н.П., якая перажыла вайну.

Запрашаем жыхароў Астравеччыны далучыцца да акцыі “Чытаем разам”.

Ганна Керэль, бібліятэкар аддзела бібліятэчнага маркетынга ДУК “Астравецкая раённая бібліятэка”

Похожие новости