Островчанка Капитолина Петровская победила в республиканском конкурсе историй "Моё активное долголетие"

15:00 / 04.09.2015

Сярод удзельнікаў аб’яднання “Актыўнае даўгалецце”, якое ўжо тры гады існуе пры раённай бібліятэцы, постаць Капіталіны Цімафееўны Пятроўскай вельмі адметная.

Фізічны нядуг мог абмежаваць магчымасці актыўных зносін з навакольным светам любога іншага чалавека, але не Капіталіны Цімафееўны. З задавальненнем згадзілася яна ўдзельнічаць у праекце Чырвонага Крыжа і раённай бібліятэкі “Актыўнае даўгалецце: не дай сабе спыніцца”. Адкрыты, вясёлы чалавек, яна літаральна зараджае ўсю аўдыторыю любоўю да жыцця і весялосцю, стварае вакол сябе атмасферу свята і натхнення.
Нездарма кажуць: «Таленавіты чалавек – таленавіты ва ўсім». Капіталіна Цімафееўна актыўна пачала развіваць свае творчыя задаткі, пісаць вершы і прыпеўкі. Яе творы дапамагаюць адчуць асляпляльную прыгажосць марознай раніцы, любавацца раскошнымі фарбамі восеньскага лесу, убачыць чароўнае вясновае аднаўленне прыроды. Многія вершы Капіталіны Цімафееўны прысвечаны каханню, пяшчоце, адносінам паміж мужчынам і жанчынай, таму асаблівае месца ў яе творчасці займае любоўная лірыка.
Прыемнай навіной для ўсіх стала перамога Капіталіны Цімафееўны ў рэспубліканскім конкурсе гісторый “Маё актыўнае даўгалецце”, за што яна была ўзнагароджана каштоўным падарункам.
Мы вядзём актыўны лад жыцця, дапамагаем адзін аднаму і трымаемся разам. Мы многае можам! Я думаю, мы зможам праявіць сябе і ў вырашэнні праблем пажылых людзей і рэалізацыі іх ідэй і дасягненняў.
Пажадаем Капіталіне Цімафееўне далейшых творчых поспехаў і натхнення.

Вольга Пінчук, намеснік дырэктара раённай бібліятэкі.

Похожие новости