Островчане приняли участие в благотворительной акции "Школа для всех, школа для каждого"

18:00 / 05.09.2015

Напярэдадні Першага верасня раённая арганізацыя Беларускага таварыства Чырвонага Крыжа арганізавала дабрачынную акцыю «Школа для ўсіх, школа для кожнага». Удзельнікамі дабрачыннага мерапрыемства сталі валанцёры Чырвонага Крыжа, карэкцыйнага і тэрытарыяльнага цэнтраў, Цэнтра творчасці дзяцей і моладзі і Беларускага саюза жанчын.

У гэты дзень у магазінах «Міла» і «Карандаш» усе добрыя людзі маглі купіць школьныя прылады і сродкі гігіены і пакінуць іх у спецыяльных скрынках. Побач валанцёры звярталіся да прахожых з просьбай пакінуць грашовыя ахвяраванні ў скрынках таварыства Чырвонага Крыжа.
Намаганнямі многіх жыхароў і гасцей нашага горада і раёна было сабрана 1 595 500 рублёў, а таксама школьных прыладаў і сродкаў гігіены на 1 631 500 рублёў.
Грошы, а таксама канцылярскія прылады і сродкі гігіены будуць перададзены выхаванцам карэкцыйнага цэнтра, а таксама дзецям, якія выхоўваюцца ў шматдзетных, малазабяспечаных і няпоўных сем'ях.
– Але на гэтым акцыя не заканчваецца, – расказала старшыня раённай арганізацыі Беларускага таварыства Чырвонага Крыжа Вольга Іосіфаўна Руднік. – Многія сем'і маюць патрэбу ў школьным адзенні – і таму, калі ў каго дома ёсць дзіцячыя рэчы школьнага ўзросту ў добрым стане, іх можна прынесці ў кабінет №14 Астравецкай цэнтральнай раённай бальніцы, дзе размяшчаецца арганізацыя Чырвонага Крыжа. Разам мы можам дапамагчы тым сем'ям, якія маюць у гэтым патрэбу.

Падрыхтавала Алена СВЕТЛАЯ.

Похожие новости