На весенних каникулах школьники вспоминали о войне

Выхаваўчая праца ў лагеры была прысвечана 70-годдзю Вялікай Перамогі ў Вялікай Айчыннай вайне і арганізавана па станцыях. На станцыі “Гераічнай” выхаванцы актыўна ўдзельнічалі ў віктарыне “Героі вайны”, дзе змаглі паказаць свае веды, і ў конкурсе малюнкаў “Яны змагаліся за Радзіму”, у якім праявілі свае творчыя здольнасці.

На станцыі “Спартыўнай” самыя спрытныя і вынослівыя вучні пад кіраўніцтвам настаўніка фізічнай культуры К.Ф. Шаблавінскай удзельнічалі ў “баявых спаборніцтвах”, а таксама ў “водных баталіях” (наведалі басейн у яслях-садзе №1 г. Астравец).

З музычным кіраўніком лагера В.С. Каспяровіч успаміналі, слухалі і спявалі песні ваенных гадоў на станцыі “Песні Перамогі”.

Падарожжа прадоўжылася на станцыі “Хатынь”. У гэты дзень выхаванцы лагера наведалі дзіцячую раённую бібліятэку, дзе з цікавасцю паглядзелі аднаіменны відэажурнал, а потым наведалі выставу кніг у школьнай бібліятэцы, прысвечаную 70-годдзю Перамогі.

На наступны дзень вучні адправіліся ў падарожжа ў вёску Міхалішкі, каб пабываць у школьным музеі Міхалішкаўскай СШ. А кіраўнік гісторыка-краязнаўчага музея “Спадчына” І.Р. Усціменка расказаў пра мінулае вёскі, пра аэрадром, які раней існаваў тут. Цікавым і пазнавальным быў аповед пра вызваленне Міхалішак ад нямецка-фашысцкіх захопнікаў 16-ай смаленскай партызанскай брыгадай.

Яшчэ ў гэты дзень рабяты змаглі наведаць экспазіцыю нашага школьнага музея, прысвечаную Вялікай Айчыннай вайне, дзе завочна пазнаёміліся з ветэранамі Вялікай Айчыннай вайны Астравецкага раёна. Так прайшоў дзень у лагеры на станцыі “Музейная”.

І апошні дзень – станцыя “Помнім, любім, ушаноўваем…”. Выхаванцы лагера ўсклалі кветкі да помніка воінам-вызваліцелям у Астраўцы і ўшанавалі памяць загінуўшых у гады Вялікай Айчыннай вайны хвілінай маўчання.