Здымак з экскурсам у мінулае
– Мы сфатаграфаваліся падчас адной з камсамольскіх канферэнцый у Астраўцы ці то ў 1978-ы, ці ў 79-ы, – узгадвае жанчына. – У той час я працавала прадаўцом у магазіне «Культтавары » і была дэлегатам ад райспажыўсаюза – на здымку крайняя злева. Побач Таццяна Лысуха, за ёй фатограф нашага фотаатэлье Мечыслаў Федаровіч, няма яго ўжо з намі. Пасля ідзе Надзея Салавей, яна працавала на аптовай базе ў Гудагаі, таксама памерла. Не дажыў да гэтага часу і тагачасны дырэктар КБМ Аляксандр Волк-Леановіч. Апошняя на фота з правага боку Людміла Дудко. Яна, калі не памыляюся, на той момант у бібліятэцы працавала. Мы ўсе жылі ў райцэнтры і добра ведалі адзін аднаго. Цяпер нават і не верыцца, што гэта калісьці было, – столькі гадоў прайшло. І так сумна, што многіх ужо няма на гэтым свеце.
Злева направа: Галіна Масевіч, Таццяна Лысуха, Мечыслаў Федаровіч, Надзея Салавей, Аляксандр Волк-Леановіч, Людміла Дудко
З настальгіяй успамінае Галіна Рыгораўна і школьныя гады. Вучылася яна добра, у школе была актывісткай, а ў класе – старастай. З задавальненнем удзельнічала ў розных мерапрыемствах, але асабліва ёй падабаўся клуб інтэрнацыянальнага сяброўства.
– Яго ў нашай школе арганізавала настаўнік нямецкай мовы Раіса Міхайлаўна Кацікава, – працягвае жанчына. – Удзельнікі клуба перапісваліся са школьнікамі з іншых краін – у асноўным, Германіі і Польшчы. Дзе мы бралі адрасы, я ўжо не памятаю, напэўна, Раіса Пятроўна знаходзіла, але стасавацца са сваімі аднагодкамі з-за мяжы было вельмі цікава. З некаторымі настолькі пасябравалі, што пасля абменьваліся не толькі лістамі, але і падарункамі – дасылалі адзін аднаму сувеніры, пласцінкі. А ўжо колькі паштовак было – не злічыць! На кожнай – выявы славутасцей розных гарадоў. Склаўшы ўсе разам, можна было атрымаць агульную карціну краіны і здзейсціць, як цяпер кажуць, віртуальнае падарожжа.
– А яшчэ мы хадзілі ў паходы, удзельнічалі ў дэманстрацыях, збіралі макулатуру, арганізоўвалі канцэрты і нават дапамагалі рамантаваць школу на канікулах, за што былі ўзнагароджаны паездкай у Маскву, – гаворыць Галіна Масевіч. – Вядома, маладыя былі, ініцыятыўныя. І дружныя. Пасля замужжа я пераехала на вуліцу Яўсеева – яна невялікая, якраз на ўскраіку райцэнтра знаходзіцца. А там сем’і прыкладна аднаго ўзросту засяліліся. Дык мы ўсе святы разам адзначалі, на Новы год ёлку ў двары ставілі, дапамагалі адзін аднаму, калі патрэбна было. Словам, цікавае і насычанае было жыццё. Таму цяпер, калі гартаю фотаальбом, заўсёды з настальгіяй успамінаю маладосць і юнацтва.
Подписывайтесь на «Островецкую правду» в телеграм по короткой ссылке https://t.me/ostrovetsby.
И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
