Які сэнс у словы “еднасць”, “патрыятызм” і “згуртаванасць” укладваюць астраўчане
Святлана Грабоўская, шматдзетная маці:– Я шчаслівая мама чацвярых разумных і прыгожых дзетак – і выхоўваю іх адна. Адзінства і еднасць у нашай сям’і праяўляюцца ў тым, што ўсё, пачынаючы ад вучобы і заканчваючы адпачынкам, мы робім разам. Сынам і дочкам з маленства тлумачу, што трэба любіць Беларусь.
Вельмі паважаю нашага Прэзідэнта Аляксандра Лукашэнку. Дзякуючы яму наша краіна за гады не страціла сацыяльнай арыентаванасці. Я, напрыклад, як шматдзетная маці, некалькі гадоў назад атрымала ў Астраўцы кватэру. Мае дзеці займаюцца гімнастыкай, у спартыўных секцыях, творчых гуртках. Лічу, што ў нашым горадзе створаны ўсе ўмовы для раскрыцця патэнцыялу хлопчыкаў і дзяўчынак – і гэта іх аб’ядноўвае.
Віталь Шарэйка, намеснік дырэктара Астравецкага доследнага лясгаса:– Гэтыя словы, на мой погляд, найбольш яскрава і поўна раскрываюць сутнасць нашай краіны і ментальнасць беларусаў. Мы – адкрыты, працалюбівы і талерантны народ.
Дабрабыт нашай краіны, сям’і і кожнага асобнага чалавека залежыць ад нас саміх. Лічу, што гэта добра разумеюць працаўнікі лясной гаспадаркі.
Намаганнямі кіраўніцтва для работнікаў усіх структурных падраздзяленняў лясгаса створаны добрыя ўмовы для працы, і людзі насамрэч працуюць, а не адбываюць час. Калектыўны дагавор нашай арганізацыі неаднойчы прызнавалі лепшым у вобласці. Дзякуючы прафсаюзнай пярвічнай арганізацыі праводзяцца розныя працоўныя спаборніцтвы, ладзяцца экскурсіі і паездкі – а гэта, безумоўна, аб’ядноўвае і згуртоўвае калектыў.
Многія работнікі нашага лесагаспадарчага прадпрыемства – актыўныя ўдзельнікі шматлікіх патрыятычных акцый. Нядаўна, напрыклад, мы прымалі ўдзел у рэспубліканскім аўтапрабегу «Сімвал адзінства».
Яніна Віюкова, пенсіянерка (без фота):
– Пра тое, што адбываецца ў краіне і ў раёне, даведваюся з навін па тэлевізары і газет – шмат гадоў выпісваю «Звязду» і «Астравецкую праўду» – падабаецца, што там журналісты пішуць на нашай, беларускай, мове. Ведаю, што Прэзідэнт устанавіў Дзень народнага адзінства, які адзначаецца 17 верасня.
Цяпер людзі пайшлі іншыя, не тое што ў гады маёй маладосці. Раней усё рабілі талакой: з некалькіх суседніх хат збіраліся на бульбакапанне. І на вяселле, і на хаўтуры прыходзілі ўсёй вёскай – хоць горш жылі, але былі больш дружнымі. І зямлю цанілі і любілі: кожны лапік быў дагледжаны і апрацаваны. Гэта і ёсць еднасць, патрыятызм, згуртаванасць, як вы кажаце.
Варта любіць зямлю, да суседзяў, знаёмых і проста стрэчных адносіцца так, як сказана ў святым пісанні: любі бліжняга свайго, як самога сябе. Тады і ў сям’і, і ў краіне будуць панаваць лад і згода.
Аляксандр Марозаў, кантралёр прапускнога пункта:
– З-за ваенных дзеянняў на Данбасе мая сям’я пераехала ў Беларусь. З жонкай мы ўладкаваліся на працу ў Астраўцы, купілі невялікі дом у вёсцы Філіпаны і цягам апошніх гадоў наладжваем быт, жыццё і сямейнае шчасце, дзе няма месца выбухам, вайне і смерці.
Патрыёт – гэта не той, хто крычыць пра любоў да Радзімы на плошчах, а той, хто штодзень даказвае яе сваімі ўчынкамі, працай. А адзінства і згуртаванасць неабходны кожнай нацыі для пераадолення знешніх і ўнутраных пагроз. Калі гэтага няма, пануюць анархія і хаос. Гісторыя Украіны ў гэтым сэнсе вельмі паказальная.
Подписывайтесь на «Островецкую правду» в телеграм по короткой ссылке https://t.me/ostrovetsby.
И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
