Як пачыналася “Кожная пятніца – роднае, сваё”
Пачыналі мы з сябе. У першую пятніцу супрацоўнікі нашага міністэрства правялі бліц-апытанне, хто ў якое адзенне апранаецца, знялі гэта ўсё на відэа – і аказалася, што на большасці рэчы беларускай вытворчасці.
Затым пачалі маштабіравацца. 19 снежня сумесна з Беллегпрамам у гандлёвых цэнтрах «Першы нацыянальны» і «Сталіца» былі абвешчаны зніжкі для пакупнікоў. У сацыяльных сетках запусцілі #ДзеньРоднагаСвайго. Па водгуках убачылі, што людзі актыўна падключаюцца.
Акцыя ўжо выйшла за рамкі гандлю. Сёння дзеці і дарослыя запісваюць сямейныя відэа, як рыхтуюць беларускія стравы, чытаюць беларускія вершы... Праект ужо мае больш за 5 тысяч публікацый у сацыяльных сетках, больш за 1 500 публікацый у СМІ. Прагляды набліжаюцца да 2 мільёнаў. Людзям гэта падабаецца. Таму наша ініцыятыва будзе працягвацца!
