выявлены нарушения правил рыболовства

Адно парушэнне ўвогуле “пацягнула” на крымінальнае злачынства. На возеры Белае, што ў Смаргонскім раёне, двое грамадзян з дапамогай сетак незаконна налавілі рыбы на 100 базавых велічынь, што складае 18 360 тысяч рублёў.

Вясной інспектары знайшлі ў парушальнікаў 18 сетак, агульнай даўжынёй 825 метраў і  21 кілаграм незаконна здабытай рыбы.

Браканьеры імкнуцца здабываць рыбу рознымі спосабамі: устаноўкай стаўных сетак на лодках і ўзаброд, сплавам, з выкарыстаннем так званых “тэлевізараў”, “павукоў”, “жывадзёраў”. Так, да прыкладу, жыхар  Ашмянскага раёна на вадасховішчы ракі Лейлубка ўзаброд расставіў сеткі даўжынёй 20 метраў. У пастку трапіліся ўсяго чатыры рыбкі, але за іх давядзецца заплаціць, акрамя штрафу, яшчэ амаль 5 мільёнаў рублёў.

Два жыхары Мядзельскага раёна незаконна лавілі рыбу з выкарыстаннем 15 сетак з лескі агульнай працягласцю 535 метраў. Яны здабылі 23 ліня, 17 карасёў залатых, 4 акуні. Агульная вага рыбнага “трафею” склала 19,1 кілаграма. Сваімі незаконнымі дзеяннямі гора-рыбакі нанеслі шкоду навакольнаму асяроддзю больш чым на 45 мільёнаў рублёў.

Варта адзначыць, што адзін з парушальнікаў прыродаахоўнага заканадаўства пры затрыманні аказаў супраціўленне, пагэтаму да яго была прыменена фізічная сіла. На месца здарэння прыехала следчая група. Матэрыялы па гэтым факце накіраваны ў Смаргонскі РАУС для ўзбуджэння крымінальнай справы.

Рыбка, здабытая незаконным шляхам, як у прамым, так і ў пераносным сэнсе аказалася “залатой”.