Віншаванне з цудоўным святам – Нараджэннем Хрыстовым!

08:00 / 25.12.2021

Дарагія астраўчане – вернікі каталіцкай канфесіі!

Прыміце самыя шчырыя віншаванні з цудоўным святам – Нараджэннем Хрыстовым!

Са святлом каляднай зоркі прыходзіць да нас сведчанне ўрачыстасці веры і ўсеабдымнай хрысціянскай любові. Гэта час служэння блізкім, дапамозе тым, хто асабліва мае патрэбу ў падтрымцы. Гэта вялікае свята адорвае нас пачуццём чакання таямніцы неверагодных падзей і гармоніі, напаўняе жыццё надзеяй і сэнсам. Запальваючы свечкі ў святую ноч, давайце будзем дзяліцца цеплынёй, душэўнасцю і клопатам, адкрываць сэрцы насустрач дабру і міру.

Няхай вашы дамы напаўняюцца цеплынёй і ўтульнасцю. Жадаем, каб спраўдзіліся ўсе мары. Няхай сэрцы блізкіх і родных будуць сагрэтыя любоўю і клопатам, а людзі навокал стануць добрымі і спагадлівымі. Няхай калядная зорка заўсёды асвятляе шлях, а радасць Нараджэння Хрыстовага стане здабыткам кожнага на нашай любімай Астравеччыне, надасць сіл для новых спраў на карысць нашага непаўторнага краю і ўсёй Беларусі!

Моцнага вам здароўя, шчасця, поспехаў у справах і дабрабыту, утульнасці і згоды ў сем’ях і з людзьмі побач з вамі!

І.Я. Шалудзін, старшыня Астравецкага раённага выканаўчага камітэта.
І.Э. Тальчук, старшыня Астравецкага раённага Савета дэпутатаў.

Похожие новости