О необходимости усовершенствования законодательства высказалась Федерация профсоюзов Беларуси

Федэрацыя прафсаюзаў Беларусі прапануе стварыць кампенсацыйны фонд для работнікаў і пашырыць рынак страхавых паслуг. Аб гэтым ішла размова на сустрэчы Прэзідэнта Беларусі Аляксандра Лукашэнкі са старшынёй ФПБ Міхаілам Ордам.

Кіраўніка дзяржавы праінфармавалі, што Федэрацыя прафсаюзаў бачыць тэндэнцыю скарачэння работнікаў, непрадаўжэння кантрактаў і скарачэння потым вакансій. У сувязі з гэтым Прэзідэнт падкрэсліў, што так быць не павінна.
ФПБ унесла прапанову аб удасканаленні заканадаўства ў пытанні, калі прадпрыемства падпадае пад санацыі і работнікам няма каму плаціць кампенсацыі. У прыватнасці, прапануецца разгледзець пытанне аб стварэнні кампенсацыйнага фонду, з якога можна было б выплачваць работнікам кампенсацыі ў выпадку, калі на прадпрыемстве няма чаго прадаваць і няма фінансавых сродкаў для выплат.
Акрамя таго, Федэрацыя прафсаюзаў прапануе максімальна пашырыць рынак страхавых паслуг на выпадак беспрацоўя.
Прэзідэнт таксама праінфармаваны аб сітуацыі на старэйшым прадпрыемстве краіны – ААТ «Магілёўскі завод «Строммашына». Тут назбіралася вялікая колькасць даўгоў, што не дае прадпрыемству выйсці на бясстратную вытворчасць. Кіраўніку дзяржавы была перададзена просьба дапамагчы калектыву прадпрыемства з заказамі, што дасць магчымасць заводу палепшыць фінансавы стан і выйсці на ўстойлівую работу. Размова ішла таксама аб сітуацыі на шэрагу іншых прадпрыемстваў. Прэзідэнт даў адпаведныя даручэнні, якія Федэрацыя прафсаюзаў будзе выконваць сумесна з урадам.

Фота з сайта belchas.by