Званне “Заслужаны лесавод” прысвоена дырэктару Астравецкага вопытнага лясгаса Рыгору Долгаму

Указам Прэзідэнта званне “Заслужаны лесавод Рэспублікі Беларусь” прысвоена дырэктару Астравецкага вопытнага лясгаса Рыгору Долгаму.

Самая высокая галіновая ўзнагарода сведчыць пра прызнанне заслуг Рыгора Мечыслававіча на вышэйшым узроўні і яго важкі ўнёсак у развіццё лясной гаспадаркі, якой ён прысвяціў больш за 40 гадоў жыцця.

Пад яго пільным кіраўніцтвам лясгас стабільна займае лідзіруючыя пазіцыі сярод лесагаспадарчых устаноў вобласці і краіны ў розных накірунках: прамысловасці, лесааднаўленні, паляўнічай гаспадарцы і іншых; тут укараняюцца перадавыя тэхналогіі і падыходы; на прадпрыемстве дбаюць не толькі пра эканамічныя паказчыкі, якімі смела можна ганарыцца, але і пра людзей.

Рыгор Долгі ў 2021 годзе ўзнагароджаны медалём “За працоўныя заслугі”, яму прысвоена званне “Чалавек года Гродзеншчыны” па выніках 2024-га. Нядаўна падчас Міжнарожнай навукова-практычнай канферэнцыі, прысвечанай 90-годдзю ўтварэння органа кіравання лясной гаспадаркі Беларусі, дырэктару лясгаса ўручылі нагрудны знак “90 гадоў лясной гаспадарцы Рэспублікі Беларусь”. Цяпер скарбонка ўзнагарод папоўнілася і званнем “Заслужаны лесавод Рэспублікі Беларусь”.

Віншуем Рыгора Мечыслававіча!

Фота СБ і Алены МІСЮКЕВІЧ.

Подписывайтесь на телеграм-канал «Островецкая правда» по короткой ссылке https://telegram.me/ostrovetsby.
Телеграм-канал «Островецкая правда»  – всё самое интересное из жизни Островца и Островецкого района.