У дзіцячай бібліятэцы скончылася акцыя “Чытаем разам з летам”

Для маленькіх сяброў бібліятэкі апошнія дні канікул праходзяць насычана – яны завяршылі летнія чытанні літаратурным святам “Да новых сустрэч, Кніжнае лета”. Удзел у ім прынялі найбольш актыўныя чытачы са школьнага лагера сярэдняй школы №3 Астраўца.

Дзяцей павіншавалі з надыходзячым навучальным годам, а потым прапанавалі паўдзельнічаць у літаратурных конкурсах, віктарынах і гульнях. Чаго там толькі не было! І пазлы складвалі, і крыжаванкі разгадвалі. Акрамя таго, маленькія чытачы з задавальненнем абмяркоўвалі прачытаныя гісторыі і дзяліліся ўражаннямі.

Вольга ЗАЯНЧКОЎСКАЯ, бібліятэкар.