Меркаваннем, чаму важна ўдзельнічаць у суботніку, падзялілася Вікторыя Хвясечка з саўгаса “Падольскі”

Па добрай традыцыі, якая засталася ў спадчыну з савецкіх часоў, цэлыя працоўныя калектывы ўдзельнічаюць у суботніку. Не застаюцца ў баку і работнікі РУП “Астравецкі саўгас “Падольскі”. Меркаваннем, чаму гэта важна рабіць, падзялілася спецыяліст па ідэалагічнай рабоце Вікторыя Хвясечка.

– Рэспубліканскі суботнік з’яднае тысячы людзей розных узростаў і прафесій па ўсёй Беларусі. І гэта добра, што сучаснае пакаленне не забывае традыцыі папярэднікаў. Без перабольшвання, для нашых бацькоў калектыўная праца была адной з важных і незаменных складнікаў рэчаіснасці. Думаю, і цяпер многія цудоўна разумець, што толькі ад нас залежыць, на якой зямлі мы жывём, у якіх умовах працуем, – расказала Вікторыя. – У суботніку паўдзельнічаюць большасць работнікаў нашага прадпрыемства. Спецыялісты адміністрацыйнага будынка ў гэты дзень будуць “вызваляць” саўгасныя палі ад камянёў. Работнікі іншых аб’ектаў – механічных майстэрняў, складоў, малочна-таварных ферм і комплексаў – наводзіць парадак на сваіх тэрыторыях.

Фота з архіва суразмоўцы