Радавалі астраўчан у Дзень Незалежнасці лепшыя вакалісты і калектывы ўстаноў адукацыі раёна
Лепшыя вакалісты, танцоры і творчыя калектывы ўстаноў адукацыі Астравеччыны дарылі святочны настрой гараджанам і гасцям раёна. Гледачы ім аддзячвалі не шкадуючы далоняў!
“Кацюша”, “Белавежская пушча”, “Беларусь – наш родны кут!” – усе выступленні былі прасякнуты непрыхаванай любоўю да Радзімы і яе гісторыі. Адзін за адным на сцэну падымаліся вакальныя студыі “Звонкія галасы” і “Меlody”, Павел Букель, Злата Радзевіч, Таццяна Дзёмка, Лаліта Валевіч, Галіна Мікліс з Цэнтра творчасці дзяцей і моладзі.
Цудоўна выступілі Вераніка Анімуцкая, Валерыя Дарашкевіч, Паліна Мамонава, а таксама творчы калектыў сярэдняй школы №3. Асаблівыя ўсмешкі і захапленне выклікалі ў гледачоў нумары ў выкананні дашкалят з дзіцячага сада №4 і дашкольнага цэнтра развіцця дзіцяці.
…Слухаючы нашых педагогаў і гледзячы на выступленні іх выхаванцаў, упэўнілася, што нашы настаўнікі і дзеці – самыя таленавітыя!
#80-годдзе_вызвалення_Беларусі_ад_нямецка-фашысцкіх_захопнікаў
