Госці свята Дня Незалежнасці падзяліліся ўражаннямі
Запыталі ў гасцей свята Дня Незалежнасці і 80-годдзя вызвалення Беларусі ад нямецка-фашысцкіх захопнікаў, як ім праграма ў Астраўцы.
Сям’я Бандарчук, г. Астравец:
– Дзень Незалежнасці – вельмі важны для кожнага члена нашай вялікай сям’і. Мы заўсёды ходзім на ўсе прымеркаваныя да дзяржанўных свят мерапрыемствы.
Сёлетняя святочная праграма, як заўсёды, на высокім узроўні. Паглядзелі ўрачыстае шэсце і адкрыццё, наведалі выставу тэхнікі – яна асабліва спадабалася малодшаму сыну. Прадуманы розныя варыянты адпачынку, шмат цікавых забаў і заняткаў падрыхтавана для дзяцей. На канцэрты прыйшлі, каб абавязкова паглядзець выступленні мясцовых калектываў і школы мастацтваў. Калі дзеці не стомяцца, то вечарам на салюце будзем.
Улад Гродзь, г. Мінск:
– Хацеў пабачыць ваенную зброю – гэта ўразіла мяне больш за ўсё. У адной з палатак паіграў на гармоні – дзядуля крыху навучыў. Здаецца, нядрэнна ў мяне атрымліваецца. (Смяецца.) У Астраўцы прыгожае свята, як і сам горад, – прыемна, што ён развіваецца.
#80-годдзе_вызвалення_Беларусі_ад_нямецка-фашысцкіх_захопнікаў
