Тройку першых камбайнераў-тысячнікаў замкнулі Браніслаў Каляда і Іван Герасім

16:33 / 11.08.2022

Залатымі шпулькамі саломы жніво коціцца па Астравеччыне – большае тысячнікаў. На чацвер, 11 жніўня, вызначыліся амаль усе пераможцы жніўнага спаборніцтва, акрамя моладзі – камбайнерскага экіпажу і вадзіцеля.

Трэцімі ў раёне жаданую тысячу тон збожжа намалацілі Браніслаў Каляда і Іван Герасім з КСУП “Гудагай”. У пары механізатары працуюць восьмы сезон. Сёлета ім даверылі новы камбайн КЗС-1218 вытворчасці “Гомсельмаш” – і тэхніка, працавітасць і жаданне перамагчы далі свой плён.

Камбайнеры-тысячнікі прымалі віншаванні ад кіраўніцтва і пярвічнай арганізацыі КСУП “Гудагай” і райкама прафсаюза работнікаў аграпрамысловага комплексу ў полі.

У тэму

На раніцу 11 жніўня ў Астравецкім раёне 3 камбайнерскія экіпажы намалацілі звыш тысячы тон, 8 вадзіцеляў перавезлі больш за тысячу тон збожжа і рапсу, а 5 звён аператараў зернесушыльных комплексаў давялі да патрэбнай кандыцыі па дзве і больш тысячы тон.





Текст:
Фото: Алёна Ганулич