Прадстаўнікі райкама БРСМ актыўна сустракаюцца з моладдзю Астравеччыны
Першы сакратар райкама БРСМ Віялета Аляксеявец на працягу гэтага тыдня сустракаецца з актывістамі студатрадаў, якія працуюць на базе Астравецкага доследнага лясгаса, сельскагаспадарчых прадпрыемстваў “Міхалішкі”, “Варняны”, “Гудагай”. жыллёва-камунальнай гаспадаркі.
– Сустрэчы праходзяць у форме адкрытага дыялогу. Са студатрадаўцамі абмяркоўваем найбольш актуальныя для моладзі пытанні. Акрамя гэтага, многія атрымалі маладзёжныя білеты БРСМ, – адзначыла Віялета Алексеявец. – Да наведвання сельскагаспадарчых атрадаў далучылася намеснік старшыні камісіі па справах непаўналетніх Жана Лаўрэцкая.
Радуе, што на Астравеччыне з году ў год знаходзяцца актыўныя юнаки і дзяўчаты, жадаючыя летам папрацаваць і дапамагчы аграрыям, лесаводам і камунальнікам.
Фота з архіва райкама БРСМ
