Гулялі ў шашкі, кідалі дроцікі і плавалі навыперадкі
11:37 / 05.10.2021
У гэтым годзе прадэманстраваць добрую фізічную форму ў САК «Імпульс» прыйшлі наведвальнікі аддзялення Тэрытарыяльнага цэнтра сацыяльнага абслугоўвання насельніцтва, спартыўнага гуртка «Актыўнае даўгалецце», актывісты раённага савета ветэранаў – словам, усе, хто не можа доўга ўседзець дома і любіць актыўны лад жыцця.
Дарэчы, на спартакіядзе трэба было не толькі хуткасць і спрыт паказаць, але і шэрым рэчывам паварушыць – першым выпрабаваннем былі шашкі. За чорна-белае поле перамоў прысела некалькі пар сапернікаў. Назіраць за гульнёй было цікава: адны, доўга не раздумваючы, «аддавалі» шашкі, каб хутчэй прабіцца ў дамкі, іншыя, наадварот, старанна прыкідвалі, куды пайсці, каб не панесці страты. У выніку першыя партыі вызначылі мацнейшых, а наступныя – прызёраў і пераможцаў. Сярод жанчын 1-е месца заняла Алена Фяткевіч, 2-е – Ганна Урбановіч, 3-е – Тэрэса Коўшык. Паколькі мужчын было толькі двое – Віктар Ярмак і Віктар Бобер – вырашалі месцы паміж імі не дзяліць, а адзначыць абоіх граматамі за ўдзел.
Паспрабаваць удачу ў дартсе жадаючых аказалася больш. Былі сярод іх нават тыя, хто ніколі не кідаў дроцікаў, а паспытаўшы, адчуў спартыўны азарт. Аднак найлепшы вынік у гэтым спаборніцтве прадэманстравала Ларыса Магельніцкая, 2-е месца заняла Тэрэса Коўшык, 3-е – Ганна Урбановіч.
Па-за залікам дэманстраваў сваю трапнасць Віктар Бобер.
Апошнім выпрабаваннем стала плаванне, якое смела можна назваць адным з самых відовішчных спаборніцтваў. Удзельніцы заплыву ператварыліся ў імклівых і грацыёзных русалак, якія з лёгкасцю пераадолелі вызначаную дыстанцыю. Хутчэй за ўсіх гэта атрымалася ў Алены Фяткевіч, на 2-м месцы аказалася Ірына Тварагаль, 3-е заняла Наталля Локцева.
Зноў-такі адзіным удзельнікам сярод мужчын быў Віктар Бобер.
Пераможцы і прызёры спаборніцтваў узнагароджаны дыпломамі і медалямі Астравецкага ФСК і падарункамі савета ветэранаў і ТЦСАН. Але ніхто не застаўся без увагі – усе ўдзельнікі спартакіяды атрымалі ад арганізатараў сувеніры.
Подписывайтесь на «Островецкую правду» в телеграм по короткой ссылке https://t.me/ostrovetsby.
И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
