Лепшы відэааператар працуе ў «Астравецкай праўдзе»

Падчас форуму маладых журналістаў, які на мінулым тыдні прайшоў у Мінску, журналісты «Астравецкай праўды» атрымалі яшчэ адну ўзнагароду.

Форум маладых журналістаў праходзіць штогод. Звычайна яму папярэднічае маладзёжны творчы конкурс сярод журналістаў «Дэбют».

Сёлета яго лаўрэатам у намінацыі «Лепшы фотакарэспандэнт, відэааператар, дызайнер (мастак)» прызнаны відэааператар тэлепраграмы «ТВА. ТВой Астравец» Рыгор Рэвака. Годную ацэнку рэспубліканскага журы атрымаў яго аўтарскі праект «Мая Астравеччына».

Віншуем Рыгора Рэваку з творчай перамогай!