Неўтаймоўныя лесарубы
На базе Слонімскага лясгаса прайшлі традыцыйныя абласныя спаборніцтвы вальшчыкаў лесу і машыністаў тралёвачных машын “Лесаруб-2011”. Каманда Астравецкага лясгаса ў гэтым годзе выступала ў абноўленым складзе і прадэманстравала добрыя вынікі.Сярод 56 вальшчыкаў майстар лесу Спондаўскага лясніцтва Алег Мацкевіч у індывідуальным заліку заняў 8 месца. Каманда Астравецкага лясгаса – на 6 месцы.
Сярод юніёраў вальшчык лесу Спондаўскага лясніцтва Міхаіл Масевіч здзіўляў публіку сваімі майстэрскімі прыёмамі і ў выніку атрымаў “бронзу”.
Выдатна выступілі ў спаборніцтве аператараў фарвардараў і транспартна-пагрузачных машын і нашы механізатары Аляксей Узарэвіч і Андрэй Юхневіч, якія занялі 2 месца ў вобласці.
Вольга ШОЎКУН.
