Механизаторов и полеводов наградили за лучшие результаты на весенне-полевых работах

14:00 / 01.06.2015

Па ініцыятыве райкама прафсаюза работнікаў аграпрамысловага комплексумесна з упраўленнем сельскай гаспадаркі і харчавання штогод праводзяцца спаборніцтвы за дасягненне лепшых вынікаў на вясенне-палявых работах і падчас уборкі ўраджаю. Грашовыя прэміі і Падзячныя пісьмы сёлета таксама знайшлі сваіх герояў.

Гаспадаркі раёна самастойна вызначалі чацвёрку лепшых працаўнікоў, занятых на ўнясенні арганічных і мінеральных угнаенняў, культывацыі, сяўбе і хімпраполцы культур. Непасрэдна ў поле з падарункамі і цёплымі словамі адправілася старшыня райкама прафсаюза работнікаў АПК Ірына Францаўна Каспяровіч.

– Работа прафсаюза накіравана на тое, каб падтрымліваць работнікаў сельскай гаспадаркі і абараняць іх правы. Штогод праводзяцца спецыяльныя спаборніцтвы на вясенне-палявых работах і падчас уборкі ўраджаю. Яны накіраваны на тое, каб адзначыць лепшых працаўнікоў, – адзначыла Ірына Францаўна. – Падзячныя пісьмы і прэміі атрымалі 28 чалавек. Хочацца адзначыць, што, акрамя работнікаў кааператываў і саўгаса, на веснавых работах былі заняты спецыялісты Астравецкай сельгастэхнікі і Астравецкага ПМС.

Астравецкія аграрыі зрабілі добры задзел для ўраджаю-2015. Хочацца спадзявацца, што ніва аддзячыць ім за старанную працу.

Алена ГАНУЛІЧ.

Лідары вясенне-палявых работ:

СВК “Гудагай”

Трактарысты-машыністы Уладзімір Давідчук, Віктар Ражко,

брыгадзір вытворчай брыгады ў раслінаводстве Леанард Мікліс, паляводы Вацлаў Шпакоўскі, Уладзіслаў Санкоўскі, Мар’ян Янкоўскі,

Віталь Кіткевіч, Генадзь Кандратовіч

СВК “Варняны”

Трактарысты-машыністы Валерый Юркойць, Юрый Мажэйка, Валерый Дэнюш,

вадзіцель Сяргей Ромаш

СВК “Гервяты”

Трактарысты-машыністы Рамуальд Масевіч, Анджэй Ясевіч, Эдуард Мілейша, начальнік вытворчага ўчастка “Дайлідкі” Люцына Эксцяровіч