Летний отдых учеников Мальского НПК
Для вучняў Мальскага НПК апошні летні месяц падарыў яшчэ адзін прыемны сюрпрыз – магчымасць адпачыць у лагеры “Смайлік”. Дарэчы, смайлік сімвалізуе не толькі нашых усмешлівых і добразычлівых выхаванцаў – у ім зашыфравана назва нашай вёсачкі Малі.
«Смайлік» падарыў шмат усмешак сваім выхаванцам! Кожны дзень рыхтаваў ім нешта новае і незвычайнае. Дзень сюрпрызаў у Краіне цудадзейных мячоў і эстэт-шоу «Жывы капялюш» весялілі цікавымі конкурсамі, а ток-шоу «Свая гульня» і віктарына «Падарожжа па казках» праверылі інтэлект.
Раённы аддзел па надзвычайных сітуацыях, наведванне краязнаўчага музея Ф. Багушэвіча і ашмянскай «Галгофы» – дзеці адпачывалі і падарожнічалі.
Выхаванцы лагера з задавальненнем наведалі басейн і прыемна правялі час на Янаўскім вадасховішчы, дзе удосталь накупаліся, пакаталіся на катамаранах і пабывалі на занятках па бяспечных паводзінах на вадзе.А завяршылася лагерная змена гульнявым шоу «Казачная краіна дзяцінства», пасля якога нашы «смайлікі» атрымалі не толькі радасныя ўсмешкі, але і падарункі.
Іна САЛДАЦЕНКАВА, дырэктар лагера.
