Калядныя традыцыі сям’і Дэнюш з Быстрыцы
У сям’і Івана і Ганны Дэнюшаў з Быстрыцы з пакалення ў пакаленне перадаюцца калядныя традыцыі, а Божае Нараджэнне, як і Вялікдзень, лічацца галоўнымі святамі. Відаць, на генетычным узроўні ў гэтага рода закладзены вера ў Бога, спагадлівасць, працавітасць і жыццялюбства…
Разам з дзецьмі – адзінаццацігадовым Уладзіславам і сямігадовым Мацвеем – бацькі кожны тыдзень ходзяць у касцёл і рыхтуюць не толькі свой дом, але і сэрцы, да нараджэння Маленькага.
Раней, калі быў жывы тата Івана Феліксавіча, уся вялікая сям’я на свята збіралася ў бацькоўскім доме. Цяпер яго маці Марыя прыходзіць на Каляды да дзяцей і заўсёды прыносіць прысмакі любімым унукам-сонейкам.
Калі ў вечаровым небе загараецца першая зорка, Іван ідзе ў пуню за сенам – яго на наступны дзень аддадуць козачкам, – а пакуль абярэмак духмянай сухой травы кладуць пад белы абрус, на стол выстаўляюць стравы, без якіх немагчыма ўявіць Каляды: селядзец і іншая рыба, грыбы смажаныя і марынаваныя, вушкі з макам, кісель, абаранкі.
Галава сям’і запальвае свечку – усе збіраюцца разам, каб падзяліцца аплаткай і скласці адзін аднаму пажаданні, падзякі і сказаць такое простае, але важнае слова «Люблю».
З даўніх часоў у Дэнюшаў заведзена, што аплатку ламаюць па старшынстве, пачынаючы з самага старэйшага і заканчваючы дзецьмі. Цяпер гэтая місія ўскладзена на бабулю – Марыю Антонаўну.
Пасля малітвы і вячэры Дэнюшы ідуць у касцёл на пастэрку, каб прывітаць Божае Немаўлятка, сказаць яму дзякуй і такое патрэбнае для кожнага «Люблю»…
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
