"Белая Русь" поддерживает кандидатуру действующего Президента

На пасяджэнні было прынята рашэнне падтрымаць кандыдатуру дзеючага Прэзідэнта Рэспублікі Беларусь Аляксандра Рыгоравіча Лукашэнкі на выбарах Прэзідэнта  Рэспублікі Беларусь 2015 года.

З такой прапановай да ўдзельнікаў пасяджэння звярнуўся, у прыватнасці, начальнік аддзела інфармацыі і грамадскіх сувязей Беларускай АЭС Эдуард Іванавіч Свірыд. Ён расказаў прысутным, як у Астравецкім раёне ажыццяўляецца самы, бадай, маштабны і важны дзяржаўны праект – будаўніцтва атамнай электрастанцыі, рэалізацыя якога дапаможа Беларусі выйсці на прынцыпова новы інтэлектуальны ўзровень, умацаваць свой эканамічны патэнцыял і дзяржаўную незалежнасць. Сёння ў Астраўцы не проста ўзводзіцца новае прадпрыемства, а ствараецца цэлая галіна эканомікі – атамная энергетыка, якой не было ў Беларусі. Айчынная АЭС абавязкова надасць магутны імпульс для развіцця не толькі энергетыкі, але і будаўнічай галіны, навукі, медыцыны, экалогіі…

Эдуард Іванавіч нагадаў, што ўжо сёння будаўнічая пляцоўка АЭС – гэта 4 тысячы працоўных месцаў, нават без уліку пастаўшчыкоў абсталявання, праекціроўшчыкаў, работнікаў гандлю, транспарту, сувязі. І для сям’і кожнага з іх гэтая будоўля – магчымасць забяспечыць дастойны ўзровень жыцця. А заўтра колькасць занятых на будоўлі павялічыцца ўдвая.

Рашэнне аб неабходнасці будаўніцтва ў Беларусі АЭС было прынята Кіраўніком дзяржавы. І калі Аляксандр Рыгоравіч Лукашэнка і надалей будзе ўзначальваць краіну, можна быць упэўненымі, што гэтае будаўніцтва будзе завершана і краіна атрымае эканамічную і энергетычную стабільнасць, а Астравец – новыя перспектывы.

Падсумоўваючы, Эдуард Іванавіч Свірыд прапанаваў падтрымаць на маючых адбыцца выбарах Прэзідэнта Рэспублікі Беларусь дзеючага Кіраўніка дзяржавы – як гаранта стабільнасці і паспяховага развіцця краіны, гаранта міру і бяспекі.