"Астравецкая праўда" объявляет новый фотоконкурс "Родны мой горад"
4
Новы год, які некалькі дзён назад пачаў сваё шэсце па планеце, ужо піша сваю гісторыю – хочацца верыць, што яна стане цікавай і насычанай. А ці будзе так на самой справе, залежыць перш за ўсё ад нас саміх, бо гісторыю, як вядома, робяць людзі ў сваім паўсядзённым жыцці.І ўсё ж надышоўшы 2017 год, а таксама наступны – 2018-ты для Астраўца будуць асаблівымі – перш за ўсё таму, што яны юбілейныя.
Сёлета наш горад адзначыць свой першы, пакуль яшчэ “дзіцячы”, юбілей – 5 гадоў з дня прысваення яму гэтага статусу. А ў 2018 годзе мы будзем адзначаць 550-годдзе першага пісьмовага ўспаміну пра Астравец.
Да святаў добрыя гаспадары рыхтуюцца загадзя. Вось і мы вырашылі не адкладваць справу на доўгае “пасля”, а з першых дзён юбілейнага года аб’явіць фотаконкурс “Родны мой горад”, які павінен стаць своеасаблівай фотагісторыяй Астраўца. Ідэю гэтую падтрымалі ў райвыканкаме – плануецца па выніках фотаконкурсу выдаць спецыяльны маляўнічы альбом.
Фотаконкурс будзе праводзіцца ў некалькіх намінацыях.
“Наш Астравец, старажытны і юны” – пазнавальныя фотаздымкі старога і новага горада
“Наша будучыня” – гэта, вядома ж, дзеці і моладзь, на якіх усе мы ўскладваем асаблівыя спадзяванні
“Людзі нашага горада” – сярод нас жыве шмат цікавых, прыгожых, працавітых і таленавітых астраўчан – спадзяёмся, што мы разам зробім своеасаблівую фотагалерэю лепшых людзей горада
“Будні і святы” – працоўнае і святочнае жыццё Астраўца і астраўчан
“Мілыя сэрцу куточкі” – мясціны Астраўца, дзе вы любіце бываць, якія асацыіруюцца з паняццем “родны горад”
Запрашаем усіх фотамастакоў, прафесіяналаў і аматараў прыняць удзел у конкурсе. Вынікі яго будуць падводзіцца двойчы: папярэднія – напрыканцы 2017 года, канчатковыя – падчас святкавання 550-годдзя Астраўца. Пераможцы конкурсу атрымаюць адпаведныя дыпломы і падарункі. Лепшыя работы складуць аснову спецыяльнага фотаальбома.Патрабаванні да здымкаў: высокая якасць (разрашэнне – не менш за 300 dpi), мас-тацкая вартасць.
Здымкі могуць быць як нядаўна зробленыя, так і архіўныя – але ўсе яны павінны адлюстроўваць жыццё жыхароў Астраўца
Давайце разам напішам фоталетапіс роднага горада!
Чакаем вашых фота!
