Астравецкі цэнтр пазашкольнай работы стаў лепшым

Добра пачынаецца новы навучальны год для супрацоўнікаў раённага цэнтра пазашкольнай работы.

На абласной нарадзе, якая праходзіла ў горадзе Ліда, калектыў работнікаў Астравецкага цэнтра пазашкольнай работы быў узнагароджаны Граматай Гродзенскага абласнога Палаца творчасці дзяцей і моладзі за высокія вынікі па выкананні абласной праграмы “Супрацоўніцтва” ў 2010-2011 навучальным годзе.
На працягу мінулага навучальнага года спецыялісты і выхаванцы цэнтра ўдзельнічалі ў вялікай колькасці конкурсаў, якія прапаноўвала абласная праграма. За гэты час яны заваявалі 26 пераможных месцаў ў абласных і рэспубліканскіх конкурсах, дзякуючы чаму змаглі стаць аднымі з лепшых у вобласці – і атрымалі заслужаную ўзнагароду.
Віншуем з узнагародай! І спадзяёмся на новыя перамогі і дасягненні!

Алена ЯРАШЭВІЧ.