Апытанне: ці існуе каханне ў сталым узросце?
Марыя Лаўрэцкая, загадчык раённага аддзела ЗАГС:
Яшчэ памятаю пару, дзе мужчына і жанчына кахалі адзін аднаго з юнацтва. Але нешта не склалася, разышліся. А на схіле гадоў зноў сустрэліся і вырашылі ажаніцца.
Вядома ж, каханне ў 18-20 адрозніваецца ад пачуццяў у сталым узросце. У маладых гармоны гуляюць, а з гадамі пачуцці трансфармуюцца: у адносінах з’яўляецца мудрасць. Ужо не трэба высвятляць, хто памые посуд і вынесе смецце, на першы план выходзіць клопат адзін пра аднаго.
Рыгор Рэвака, фатограф:
Але, нягледзячы на гэта, лічу, што каханне ў сталым узросце існуе. Да прыкладу, майму бацьку 57 гадоў, з маці яны даўно разышліся, але, мне здаецца, што цяпер ён зноў закаханы.
Ці адрозніваюцца пачуцці ў маладым і ў сталым узросце? Пакуль не ведаю, гадоў праз 30, магчыма, буду мець па гэтым пытанні ўласную думку. (Смяецца). Але, мне здаецца, што людзі ў гадах любяць найперш галавой, а ў юных усё на эмоцыях.
Крысціна Гіруць, прыватны прадпрымальнік:
Хоць аднойчы каляжанка у перадпенсійным узросце расказвала, што на курсах сустрэла мужчыну і закахалася ў яго, лічы, з першага погляду. Казала: калі б ён паклікаў, то ўсё кінула б і пайшла б за ім. Не паклікаў – на яе шчасце ці на бяду…
Так што, напэўна, існуе каханне і ў сярэбраным, і ў залатым узросце. Толькі не кожнаму шанцуе яго сустрэць.
Віктар Ярмак, пенсіянер:
Хоць, напэўна ж, нешта ёсць, калі столькі гадоў разам. У наступным годзе залатое вяселле будзем адзначаць. Пажаніліся яшчэ студэнтамі. А цяпер ужо старэйшая ўнучка студэнтка. Акрамя яе, яшчэ трое ўнукаў маем. Бог дасць, і праўнукаў дачакаемся.
Вядома ж, гэта зусім іншае каханне, чым было 50 гадоў таму. Тады выбіралі прыгожых, цяпер трэба клапатлівыя. Добра, калі ўсё супала…
Тамара Качкан, настаўніца Падольскай СШ:
Мы, унукі, канешне, не бачылі, каб яны хадзілі, пабраўшыся за ручкі ці абменьваліся пацалункамі. Хоць і гэта было, калі адзначалі іх залатое вяселле. Але заўважны быў клопат адзін пра аднаго: дзядулева «Мая Вандзя» і бабуліна «Цішэй вы, дзед толькі прылёг, хай падрэмле». Хіба ж не гэта лепш за ўсё сведчыць пра іх каханне?
