Что знают дети о Деде Морозе?
Вось мы і вырашылі пацікавіцца ў нашых дзетак, што яны ведаюць пра Дзеда Мароза, і адправіліся ў астравецкі дзіцячы сад “Дубок”.
– Хто з вас ведае, хто такі Дзед Мароз?
Даша Лукша: – Я! Гэта такі дзядзька. Ён падарункі прыносіць маме і тату. А яшчэ дзецям.Карына Кастрама: – Не, гэта дзед стары – у яго сівая барада! Ён заўсёды з дзяўчынкай ходзіць – яна дапамагае яму падарункі раздаваць.
Жэня Карагода: – Так, ён вялікі і яму шмат гадоў. Колькі? Мабыць… пяць!
– Да вас кожны год Дзядуля Мароз у госці прыходзіць?
Разам: – Так!
Аня Арлоўская: – І кожны раз з барадой. Ён не голіцца зусім. І ён прынёс мне прас! Праўда, даўно гэта было…
Даша Лукша: – А я прыдумала, што мне ён у гэтым годзе прынясе: каня і насарога з “Монстр Хай”. Маме неяк на Новы год ён прынёс каструлі.Жэня Карагода: – А мне Дзед Мароз калі-небудзь падорыць машыну – пажарную. Вялікую і…сапраўдную!
– Што трэба зрабіць, каб Дзядуля Мароз пра вас не забыўся і завітаў у госці?
Ліза Васілевіч: – Напісаць!
Аня Арлоўская: – Намаляваць што-небудзь і адправіць!
Жэня Карагода: – А мне тата Вадзім з Гудагая падарыў машыну з пульцікам! Толькі чамусьці Дзеда Мароза ён па дарозе не сустрэў. Мабыць, яны размінуліся.
– Дзе Дзед Мароз бярэ падарункі?Даша Лукша: – У мяшку – вялікім такім, чырвоны!
Карына Кастрама: – У яго ёсць вялікі пакой, куды ён заходзіць і напаўняе свой мяшок цацкамі. І ён рыхтуе падарункі кожнаму таксама там. У нас гэты пакой – у зале!
Жэня Карагода: – Дзед Мароз складвае ўсе падарункі ў вялікія скрынкі, упрыгожаныя стужкамі, – каб мы маглі адкрыць іх і нешта цікавае дастаць.
Ліза Васілевіч: – Ды не! Ён іх сам робіць, і Снягурка яму дапамагае.
– Дзе жыве Дзед Мароз?
Даша Лукша: – На небе!
Жэня Карагода: – Дзед Мароз жыве на ёлцы – самай высокай у свеце!Ліза Васілевіч: – У Арктыцы! Дзе холадна і снег.
Аня Арлоўская: – Не, на Поўначы!
Даша Лукша: – Там яшчэ экскурсіі праводзяцца: дзяўчынкі з Дзедам Марозам на санках едуць, а хлопчыкі – са Снягуркай.
– Што вы пажадаеце Дзядулю Марозу?
Карына Кастрама: – Запісак ад дзяцей!
Ліза Васілевіч: – Дзякуй скажу – за падарункі і што ў госці прыходзіць.
Жэня Карагода: – Каб падарункаў нам больш прыносіў – і маме, і тату, і ўсім…Даша Лукша: – Каб не хварэў і жыў доўга.
Ліза Васілевіч: – І чароўнага пылку пабольш, які ў мульціках бывае.
Разам: – І каб ён зноў хутчэй да нас прыйшоў!
Запісала Алеся ВОЛІНА
