В Гервятах убирают картофель
Ну як жа абмінуць бульбакапанне?! Тым больш што бульба ў беларусаў здаўна лічыцца другім хлебам, а нашы гаспадыні, бадай што як ніхто іншы, ведаюць дзясяткі рэцэптаў прыгатавання страў з крухмалістай.Сёлета плошча вырошчвання бульбы ў Астравецкім раёне складае 281 гектар. Пры сярэднераённай ураджайнасці 292 цэнтнеры з гектара ў СВК “Гервяты” з аднаго гектара збіраюць 322 цэнтнеры – гэта самы высокі паказчык на Астравеччыне па стане на 24 верасня.
Вольга Альгердаўна Койра, Анатоль Георгіевіч Хмарук, Данута Рымтусьеўна Русалоўская, паляводыНа бульбакапанні ў СВК “Гервяты” задзейнічаны адзін бульбаўборачны камбайн, за якім чацвёрты сезон запар “штурваліць” механізатар Віталіюс Іосіфавіч Гудойціс.
Бульбяное поле ў СВК “Гервяты” хоць і круглае – але нечым, па словах працаўнікоў, нагадвае цаліну. Барозны, на першы погляд, падаюцца бясконцымі: іх даўжыня складае 1,7 кіламетра.
Чатыры паляводы, стоячы на камбайне, выдаляюць камяні з транспарцёру, па якім перасоўваецца паток бульбы.
Вера Тадэвушаўна Пятроўская, паляводНа спецыяльнай пляцоўцы бульбу, якую прывозяць сюды чатыры МАЗы, сартуюць: выдаляюць маленькія каменьчыкі, вялікія клубні складваюць у сеткі – яна пойдзе на продаж, астатнія адправяцца на перапрацоўку на Гальшанскі крухмальны завод.
Андрэй Іванавіч Вінцкусь, вадзіцельГервятцы свой выбар сёлета спынілі на чатырох сартах: “Брыз”, “Журавінка”, “Валадар” і “Янка”. Па стане на 24 верасня, выкапана 43 працэнты бульбы ці 1 095 тон.
Раман Станіслававіч Алёкса, вадзіцельВарта адзначыць, што СВК “Гервяты” не забывае пра сваіх падапечных: сёлета, як і кожны год, на бязвыплатнай аснове для патрэб Гервяцкай сярэдняй школы быў пасаджаны адзін гектар бульбы.
Аляксандр Паўлавіч Кавалька,аграном-аграхімік
Старшакласнікі разам з настаўнікамі шчыравалі на сваіх “сотках”: вялікая бульба будзе выкарыстана для школьнага харчавання, а на астатняй школьнікі змогуць зарабіць, здаўшы яе на Гальшанскі крухмальны завод.
Віталіюс Іосіфавіч Гудойціс кіруебульбаўборачным камбайнам
--------------------------------------------
Алена ГАНУЛІЧ, фота аўтара.
