Темп уборочной кампании задаёт погода
Жніво праходзіць у складаных умовах надвор'я: не хлебаробы, якія гатовы працаваць літаральна суткамі навылет, а безупынныя дажджы задаюць тэмп уборачнай кампаніі. І пры першых проблісках сонца жнеяры выводзяць у поле ўборачную тэхніку, каб абмалаціць саспелую збажыну, каб ніводнае зярнятка не змарнавалася.Па стане на 3 жніўня аграрыі ўбралі больш за 5,5 тысяч гектараў раённых ніў. Самы важкі колас пакуль у СВК “Гудагай”: збожжавыя тут даюць на круг больш за 40 цэнтнераў з гектара пры сярэднераённых 38,7.
Шосты год разам працуюць на ўборцыўраджаю Віктар Станіслававіч Рынковіч і
Андрэй Эдуардавіч Міхайлоўскі
Іосіф Раманавіч Макарэвічперавозіць збожжа
Станіслаў Мар’янавіч Рароўскі на ўсіх парах імчыць да зернесушылак
Уладзімір Міхайлавіч Арлоўскідаводзіць зерне да патрэбнай кандыцыі на сучаснай зернесушылцы
Анатоль Яўгенавіч Валяваты буртуеі загружае ў кузавы машын збожжа
Аграном-насеннявод Марыя Станіславаўна Ждановіч ведае пра збожжа ўсё
Яўген Валянцінавіч Грабоўскі іАндрэй Віктаравіч Качканзанятыя на ўборцы трыцікале
Памочнік камбайнераІван Мечыслававіч Пятровіч
Хоць канчатковыя вынікі ўборкі падводзіць яшчэ рана, зразумела, што сёлетні ўраджай збожжавых і зернебабовых будзе значна меншы, чым летась. У мінулым годзе хлебаробы з аднаго гектара намалочвалі на 12 цэнтнераў больш, чым сёлета.
– Падвяло нас надвор’е, – гаворыць камбайнер са стажам Іван Мар’янавіч Аляхновіч. – Хоць тэхналогіі вырошчвання і догляду за пасевамі зрабілі значны крок наперад – апошняе слова ўсё ж застаецца за прыродай.
– Распагодзілася б! – дадае памочнік камбайнера Мечыслаў Браніслававіч Васілеўскі. – То дажджы, то росы перашкаджаюць развярнуцца напоўніцу!
На сёлетнім жніве ў СВК “Гудагай” задзейнічана 13 збожжаўборачных камбайнаў, якія выйшлі ў поле, прынамсі ў гэтую сераду, толькі пад абед.
Аляксей Сакалоўскі добра спраўляецца з абавязкамікамбайнера ўжо другі год
Аляксандр Віктаравіч Карвэцкіперавозіць збожжа з ніў да сушылак
За пажарнай бяспекай сочыць Аляксандр Букель
Сёлетняе жніво для камбайнера Аляксандра Рыгоравіча Замары –дваццаць першае, а вось для яго памочніка Яўгена Пірага – першае
Адзін з самых вопытных камбайнерскіх тандэмаў – Іван Мар’янавіч Аляхновіч і Мечыслаў Браніслававіч Васілеўскі
Бацька і сын Антон Антонавіч і Анатоль Раткоўскія працуюць разамна ўборцы не першы сезон
Камбайнавы экіпаж у складзе Валерыя Зянонавіча Вайткевіча іСлавіяна Вікенцьевіча Захарэўскага
Пад напорам магутных жатак збажына паслухмяна схіляла галовы, а зярняты новага ўраджаю запаўнялі бункер камбайна.
Нават пры далёкай ад рэкорднай ураджайнасці на гудагайскія зернесховішчы штодзень трапляе 500 тон збожжа, таму сушыльнай гаспадарцы прыходзіцца працаваць на ўсю моц.
– Збожжа трапляецца рознай вільготнасці, – гаворыць аграном-насеннявод СВК “Гудагай” Марыя Станіславаўна Ждановіч. – У залежнасці ад часу сутак і выпадзення ападкаў у ім бывае і больш за 20 працэнтаў вільготнасці. У асноўным прывозяць зерне вільготнасцю 18 працэнтаў, а на выхадзе з сушылкі павінна ўтрымлівацца не больш як 14.
Па словах Марыі Станіславаўны, асноўны клопат – нарыхтоўка збожжа для патрэб уласнай гаспадаркі і для рэалізацыі іншым сельскагаспадарчым прадпрыемствам. СВК “Гудагай” – насенняводчая гаспадарка. На спецыяльнай лініі, якая працуе на ўсю магутнасць, даводзіцца да патрэбнай кандыцыі пшаніца.
А тым часам СВК “Гудагай” актыўна прадае рапс – крыжакветкавы найлепш урадзіў менавіта тут: ён даў на круг па 35,1 цэнтнера з гектара пры сярэднераённых 25.
…Тона за тонай дапрацоўваецца зерне. Гектар за гектарам зжынаецца збажына. Кіламетр за кіламетрам робіць шлях ад ніў да сушылак ураджай-2016.
Мовай лічбаўПа стане на 3 жніўня ў СВК “Гудагай” абмалочана 40 працэнтаў калгасных ніў. Валавы намалот складае 5 595 тон, а ўраджайнасць – 43 цэнтнера з гектара.
Яравы ячмень, які зжаты на плошчы 848 гектары з 930 запланаваных, даў 35,5 цэнтнераў з гектара.
З уборкай азімай пшаніцы гудагайцы справіліся на 10 працэнтаў. Яе ўраджайнасць склала 44,9 цэнтнера з гектара.
Азімае трыцікале, якое ўбрана на 298 гектарах, урадзіла на 45 цэнтнераў з гектара.
Алена ГАНУЛІЧ, фота аўтара.
![ТВой Островец - ТВОИ НОВОСТИ [Выпуск 599]](https://s3-minsk.becloud.by/upload-2e55aa12f76e1407437b032dfd606540/resize_cache/157100/2db0103e8ee1f8263dcb96cafe7f0f77/iblock/dda/dda596cb3ef6fa6dbe96292e9630474e/tv_599.jpg "ТВой Островец - ТВОИ НОВОСТИ [Выпуск 599]")
