"Одёжку" для окошка пошьют по вашему вкусу

І, магчыма, менавіта таму, усё, што сёння выпускаюць у “ТавіфаШыку”, робіцца з вялікай любоўю.

– Пачынаць было складана і крыху страшна, – расказвае індывідуальны прадпрымальнік Алена Мястоўская. – Горад наш невялікі, і мы не чакалі прыбытку з першых дзён. Спачатку стараліся заслужыць павагу нашых кліентаў.

Салон штор “Ажур” стаў першым магазінам у Астраўцы, дзе можна было не толькі набыць тканіну для пашыву “адзення” для вокнаў, але і зрабіць заказ у адпаведнасці са сваім густам, асаблівасцямі інтэр’еру кватэры, матэрыяльнымі магчымасцямі.

– Першымі пакупнікамі сталі мясцовыя жыхары. Але “сарафаннае радыё” працуе добра – і сёння нашы шторы аздабляюць вокны жыхароў і іншых раёнаў нашай краіны і нават Расіі, Літвы, Латвіі. Бываючы ў Астраўцы па справах ці наведваючы сваіх родзічаў, нашы пастаянныя кліенты абавязкова заходзяць да нас, каб зрабіць заказ, – працягвае кіраўнік прадпрыемства Надзея Кайрыс.

Кліенцкая база прадпрыемства “ТавіфаШык” пастаянна пашыраецца. Санаторыі “Прыазёрны”, “Журавушка”, “Нарач”, “Нарачанскі бераг”, “Ракета”, “Прыморскі” сёння ўпрыгожваюць вырабы, зробленыя залатымі (без перабольшвання!) рукамі дзяўчат, што працуюць у “ТавіфаШыку”.

– Мы вельмі даражым людзьмі, якія працуюць на нашым прадпрыемстве. Швачка Аксана Вянгроўская, закройшчыца Марына Бурбуль, бухгалтар Святлана Маргуж – усе вельмі адказныя, творчыя, працавітыя людзі. Толькі дзякуючы іх залатым рукам, вопыту, “адзенне” для вокнаў радуе вока, – упэўнена Алена Мястоўская.  – Асобую ўвагу надаём якасці нашай прадукцыі. Мы актыўна супрацоўнічаем з іншымі салонамі, сочым за навінкамі, выпісваем навучальныя дыскі – шыем шторы на люверсах, ажурныя ламбрэкены, дзіцячыя шторы з “мульцяшнымі” героямі, падушкі ў форме кветак, валікаў, сабраныя буфай,

пакрывалы.

Словам, заказаць “вопратку” для свайго акна тут зможа нават самы патрабавальны кліент – а спецыялісты прыватнага прадпрыемства “ТавіфаШык” дапамогуць вызначыцца з тканінай і дызайнам і пашыюць сапраўды арыгінальныя, а галоўнае – якасныя шторы, якія праслужаць вам доўгія гады.