Лучших работников сельского хозяйства чествовали на областных "Дожинках" в Дятлово
У пятніцу, 13 лістапада, лепшыя працаўнікі ўсіх раёнаў Гродзенскай вобласці сабраліся ў Дзятлаве, дзе прайшлі “Дажынкі-2015”.Сярод імён удзельнікаў і пераможцаў прагучалі і прозвішчы работнікаў сельскай гаспадаркі нашага раёна, якія атрымлівалі ўзнагароды на галоўнай сцэне абласнога фестывалю-кірмашу працаўнікоў вёскі “Дажынкі-2015”.
Да пачатку афіцыйнай часткі ўсе госці маглі прагуляцца па горадзе, паглядзець ці прыкупіць вырабы майстроў народных промыслаў, зазірнуць на падворкі раённых гаспадарак, дзе артысты з розных куточкаў Гродзеншчыны забаўлялі песнямі і танцамі.
На стадыёне для аматараў фізічнай культуры прайшоў фінал гадавой спартакіяды сярод сельскіх жыхароў.
Для маленькіх гасцей свята на стадыёне «Колас» працаваў дзіцячы гарадок з атракцыёнамі, электрамабілямі, салодкай ватай і гульнявой праграмай. На галоўнай плошчы горада выступалі пераможцы вакальнага конкурсу “Новыя імёны Беларусі”, арганізаванага прафсаюзамі.Цэнтральнай падзеяй свята стала ўрачыстае шэсце пераможцаў абласнога спаборніцтва па ўборцы ўраджаю 2015 года, а таксама цырымоніі адкрыцця абласнога фестывалю-кірмашу і ўручэння прэмій пераможцам спаборніцтва па ўборцы ўраджаю.
Спецыяльна да “Дажынак-2015” у Дзятлаве спяклі 100-кілаграмовы каравай, які на ўрачыстым шэсці работнікаў сяла пранеслі па галоўных вуліцах горада. Разам з каласамі ён меў шэсць ярусаў і амаль мятровы дыяметр.
З галоўнай сцэны Цэнтра культуры, на якую запрашаліся кіраўнікі раёнаў і гаспадарак, і непасрэдныя ўдзельнікі жніва, шмат разоў гучалі словы аб тым, што дзякуючы працавітасці сельскіх жыхароў сёлета Гродзеншчына сабрала збожжа больш, чым у 2014 годзе, паказчыкі якога былі да гэтага часу рэкорднымі.
Пашану, узнагароды і грашовыя прэміі заслужылі сваёй працай і астравецкія аграрыі.
Старшыня Астравецкага райвыканкама Адам Кавалька і яго першы намеснік – начальнік упраўлення сельскай гаспадаркі і харчавання Руслан Сачко атрымалі з рук губернатара Гродзенскай вобласці Уладзіміра Краўцова дзве ганаровыя граматы другой ступені: за нарыхтоўку кармоў і за вытворчасць прадукцыі жывёлагадоўлі.
За добрасумленную працу граматай абласнога выканаўчага камітэта быў узнагароджаны брыгадзір вытворчай брыгады ў раслінаводстве СВК “Міхалішкі” Мар’ян Комар.Граматы Беларускага рэспубліканскага саюза моладзі атрымалі нашы маладыя аграрыі: сярод маладых вадзіцеляў – Сяргей Ромаш з СВК “Варняны” і пераможцы спаборніцтва па намалоту збожжа сярод камбайнераў Віталь Мілейша і Сяргей Трусевіч з СВК “Гудагай”.
Граматай Міністэрства сельскай гаспадаркі і харчавання была ўзнагароджана брыгадзір вытворчага ўчастка СВК “Гудагай” Галіна Грамбоўская, а трактарысты-машыністы Анджэй Ясевіч і Станіслаў Кяжун з СВК “Гервяты” і “Варняны” за сваю работу атрымалі падзячныя лісты.
Узнагароды атрымалі старшыня СВК “Гудагай” Эдуард Садоўскі – ад аграсаюза, а намеснік начальніка аддзела арганізацыі вытворчасці ўпраўлення сельскай гаспадаркі і харчавання Астравецкага райвыканкама Галіна Ждановіч – ад прафсаюза.
Першае месца ў абласным спаборніцтве па жывёлагадоўлі заняла заатэхнік СВК “Гервяты” Марыя Бушмовіч.
---------------------------------
Антон МАЛЬШЭЎСКІ, фота аўтара.
