Лучшие животноводы СПК "Гервяты" получили подарки за свою работу

08:05 / 07.09.2016

Працягваецца рэспубліканская акцыя “Наш жывёлавод”. Кожны квартал на працягу 2016 года адзначаюцца лепшыя аператары машыннага даення, жывёлаводы, даглядчыкі, аператары па штучным асемяненні, заатэхнікі і іншыя працаўнікі.

Нагадаем, першымі ў Астравецкім раёне ўзнагароды атрымалі чатыры аператары машыннага даення МТК “Германішкі” СВК “Гудагай”. Нядаўна была адзначана работа жывёлаводаў комплекса па вырошчванні і адкорме буйной рагатай жывёлы “Гервяты”.

Жывёлагадоўчы комплекс СВК “Гервяты” і яго працаўнікі з году ў год паказваюць добрыя вынікі. З пачатку 2016 года валавая прывага жывёлы склала 810 тон, а сярэднесутачная за сем месяцаў – 899 грам (плюс 12 грамаў да мінулага года).

За ўсімі паказчыкамі і лічбамі стаіць штодзённая праца жывёлаводаў.

На мінулым тыдні першы намеснік начальніка ўпраўлення сельскай гаспадаркі і харчавання Вольга Віктараўна Умрыхіна, старшыня райкама прафсаюза работнікаў АПК Юрый Аляксандравіч Адула і бухгалтар Святлана Віктараўна Кацяш з падарункамі і словамі віншавання завіталі ў Гервяты на жывёлагадоўчы комплекс.

Падчас узнагароджвання лепшых жывёлаводаў Надзеі Паўлаўны Жакун, Наталлі Фёдараўны Алёкса, Дануты Іосіфаўны Жукоўскай і Святланы Сцяпанаўны Сыс Вольга Віктараўна адзначыла, што падчас жніва ўся ўвага скіравана на хлебаробаў – і гэта справядліва. Але не меншай пашаны, чым механізатары, заслугоўваюць і жывёлаводы. Таксама першы намеснік начальніка райсельхарчу адзначыла, што, па словах старшыні СВК “Гервяты” Вячаслава Фёдаравіча Яроміча, у бліжэйшы час для работнікаў комплекса адкрыецца дом жывёлавода.

– Як былому спецыялісту СВК “Гервяты”, мне прыемна, што эстафету лепшых у жывёлагадоўчай галіне перанялі працаўнікі гэтай гаспадаркі, – падкрэсліў старшыня райкама прафсаюза работнікаў АПК Юрый Аляксандравіч Адула. – У рамках акцыі мы плануем наведаць жывёлагадоўчыя комплексы ўсіх гаспадарак раёна.

Алена ГАНУЛІЧ.

Фота з архіву райкама прафсаюза работнікаў АПК.

Похожие новости