Лучшие работники весенне-посевной кампании получили награды
Старшыня райкама прафсаюза работнікаў АПК Ірына Францаўна Каспяровіч уручае ўзнагароду Юрыю Мечыслававічу МажэйкуСтаразапаветнае крылатае выслоўе “ўсяму свой час: час раскідваць камяні і час збіраць іх” не страціла сваёй актуальнасці і сёння. У глебу прыгорнуты апошнія зярняткі. І літаральна праз два месяцы кожнае каліва разродзіцца хлебам новага ўраджаю.
Райкам прафсаюза работнікаў аграпрамысловага комплексу разам з упраўленнем сельскай гаспадаркі і харчавання трымаюць руку на пульсе: на мінулым тыдні Падзячныя пісьмы і грашовыя прэміі атрымалі пераможцы спаборніцтва за дасягненне лепшых вынікаў у сёлетнюю вясенне-палявую кампанію.
А.Т. Качкан, трактарыст- машыніст саўгаса “Падольскі”На рабочыя месцы, якія, як вядома, для аграрыяў знаходзяцца ў полі, узнагароды разам з цёплымі словамі віншавання развозіла старшыня райкама работнікаў АПК Ірына Францаўна Каспяровіч разам з бухгалтарам Святланай Віктараўнай Кацяш.
– Ушанаванне пераможцаў раённага спаборніцтва на вясенне-палявых работах стала ўжо добрай традыцыяй, гэтак жа як і падчас самай адказнай пары ў аргарыяў – жніва, – адзначыла Ірына Францаўна. – Сёлета вызначаўся толькі адзін перадавік у кожнай з пяці намінацый, якія адпавядаюць сельскагаспадарчым тэхналагічным аперацыям: унясенне мінельных і арганічных угнаенняў, культывацыя, сяўба і хімічная праполка. Акрамя гэтага, было вырашана адзначыць за добрасумленную працу двух трактарыстаў-машыністаў з гаспадарак, якія не “засвяціліся” ні ў адной з намінацый спаборніцтва. Хочацца падзякаваць усім працаўнікам, якія шчыравалі ў полі.
Валерый Генрыхавіч Герасім, культывацыя
Руслан Сяргеевіч Маргентал, хімпраполка
Станіслаў Феліксавіч Грамбоўскі, унясенне арганікіТакім чынам была адзначана сямёрка лепшых механізатараў. Але гэта ні ў якім разе не змяншае заслуг аратых, культыватаршчыкаў, сейбітаў, вадзіцеляў, занятых на падвозцы зерня і ўгнаенняў, якія не трапілі ў лік пераможцаў.
Дзякуючы нялёгкай штодзённай карпатлівай працы кожнага з удзельнікаў пасяўной кампаніі, кінутае ў падкормленую глебу зярнятка хутка прарасце важкім коласам ураджаю-2016.Нізкі паклон вам, хлебаробы!
Пераможцы раённага спаборніцтва
Унясенне мінеральных угнаенняў:
Юрый Мечыслававіч Мажэйка, трактарыст-машыніст СВК “Варняны;
Унясенне арганікі:
Станіслаў Феліксавіч Грамбоўскі, трактарыст-машыніст СВК “Гудагай”;
Культывацыя:
Валерый Генрыхавіч Герасім, трактарыст-машыніст СВК “Гервяты”;
Сяўба:
Валерый Станіслававіч Дэнюш, трактарыст-машыніст СВК “Варняны”;
Хімпраполка культур:
Руслан Сяргеевіч Маргентал, трактарыст-машыніст СВК “Гудагай”.
За добрасумленную працу, стараннасць і адказнасць таксама адзначаны:
Анатоль Тадэвушавіч Качкан, трактарыст-машыніст саўгаса “Падольскі”,
Іван Уладзіслававіч Стаціна, трактарыст-машыніст СВК “Міхалішкі”
Алена ГАНУЛІЧ, фота аўтара.
