Лучшие комбайнерские экипажи района поблагодарили за работу
Для аграрыяў паўночнага рэгіёну, у тым ліку і Астравецкага раёна, сёлетняя ўборачная кампанія выдалася няпростай. Экіпажам камбайнераў давялося біцца за ўраджай з дажджлівым надвор’ем. І пераможцы жніва – нагадаем, што першыя “тысячнікі” сярод вадзіцеляў і аператараў зернесушылак ужо атрымалі заслужаныя ўзнагароды – не пакінулі сябе чакаць.На мінулым тыдні была адзначана работа лепшых камбайнерскіх экіпажаў раёна.
Старшыня райкама прафсаюза работнікаў АПК Юрый Аляксандравіч Адула, яго бухгалтар Святлана Віктараўна Кацяш і старшыні пярвічных арганізацый кааператываў завіталі на працоўнае месца камбайнераў – а яно, як вядома, знаходзіцца проста ў полі – каб павіншаваць перадавікоў жніва і ўручыць ім заслужаныя узнагароды.
– Згодна з умовамі раённага спаборніцтва, улічваецца намалот збожжавых і зернебабовых без рапсу, – патлумачыў Юрый Аляксандравіч. – Акрамя гэтага, сёлета ўпершыню было вырашана адзначыць работу галоўнага агранома той гаспадаркі, дзе камбайнеры першымі намалацілі тысячу тон збожжа.
Камбайнерскі экіпаж СВК “Гудагай” у складзе Віталя Віктаравіча Мілэйшы і Сяргея Славаміравіча Трусевіча сталі аднымі з першых “тысячнікаў” раёна не толькі ў агульным заліку спаборніцтва, але і сярод моладзевых экіпажаў. Па выніках раённага спаборніцтва ўзнагароду атрымаў і галоўны аграном гэтай гаспадаркі Андрэй Вайцехавіч Вінча.
Віншаванні, грашовыя прэміі, дыпломы і падзячныя пісьмы знайшлі сваіх герояў – герояў жніва!
Камбайнерскія экіпажы, якія першымі ў раёне намалацілі тысячу тон збожжа:
Віталь Віктаравіч Мілэйша і Сяргей Славаміравіч Трусевіч з СВК “Гудагай”.
Андрэй Віктаравіч Качкан і Яўген Валянцінавіч Грабоўскі з СВК “Гудагай”.
Уладзіміравіч Іванавіч Мятлеўскі і Віталь Рыгоравіч Казлоўскі з СВК “Варняны”.
Камбайнеры-“тысячнікі”
Тадэвуш Іванавіч Юркойць і Вячаслаў Станіслававіч Бабабрыка з СВК “Варняны”.
Андрэй Іванавіч Вінцкусь і Аляксей Іосіфавіч Гудойць з СВК “Гервяты”.
Рыгор Рыгоравіч Тхораў і Яўген Уладзіміравіч Гурштын з СВК “Гудагай”.
Падрыхтавала Алена ГАНУЛІЧ.
![ТВой Островец - ТВОИ НОВОСТИ [Выпуск 599]](https://s3-minsk.becloud.by/upload-2e55aa12f76e1407437b032dfd606540/resize_cache/157100/2db0103e8ee1f8263dcb96cafe7f0f77/iblock/dda/dda596cb3ef6fa6dbe96292e9630474e/tv_599.jpg "ТВой Островец - ТВОИ НОВОСТИ [Выпуск 599]")
