Як наведвальнікі тэрытарыяльнага цэнтра захоўваюць традыцыі
12:17 / 10.04.2019
Спачатку тут збіраліся майстры і майстрыхі з рознымі падзелкамі – давалі майстар-класы, асвойвалі новыя віды творчасці, рыхтавалі цудоўныя падарункі для гасцей цэнтра, да розных святаў.
А дзе творчасць, там і песня. Паступова склаліся два калектывы: вакальная група «Аксаміткі» і танцавальны «Чаромушкі». Яны сталі ўпрыгажэннем урачыстых мерапрыемстваў у цэнтры і паспелі здабыць добрую славу выступленнямі на раённай сцэне, у чым несумненная заслуга мастацкіх кіраўнікоў Васіля Карпяца і Тамары Батуры. Калектывы нястомна ўдасканальваюць сваё майстэрства, прывабліваюць новыя таленты.
Калі ж гаварыць пра былыя і сённяшнія традыцыі, то да першых можна аднесці адраджэнне калядавання з вітаннем усіх супрацоўнікаў цэнтра, святкаванне Масленіцы з традыцыйнымі гульнямі-забавамі, частаваннем блінцамі. А да другіх – калектыўнае адзначэнне асабістых памятных падзей, юбілеяў. Такія святы збліжаюць, дапамагаюць адчуць сябе ў цэнтры ўвагі, у блізкім атачэнні. Для немаладых людзей гэтая ўвага вельмі важная і патрэбная. І за тое, што цэнтр становіцца для нас сапраўды цёплым і ўтульным сяброўскім домам, трэба сказаць вялікі дзякуй яго дырэктару Віктару Іосіфавічу Ждановічу, загадчыцы аддзялення для дзённага знаходжання маладых інвалідаў і пажылых людзей Аксане Генрыхаўне Свірскай, спецыялістам Тамары Аляксандраўне Лукшы і Галіне Сяргееўне Нядвецкай і ўсёй нашай дружнай пенсіянерскай кампаніі.