АПэшка запрашае на дзень нараджэння АП
У мінулым годзе рэдакцыя святкавала дзень нараджэння “Астравецкай праўды” без мяне. А сёлета – вось яна я! Запрашаю на свята!
Самае любімае свята ва ўсіх дзяцей – і ў мяне, вядома ж, таксама, – дзень нараджэння. Толькі ў мяне дзень нараджэння двайны, бо святкуецца разам з днём нараджэння “Астравецкай праўды”, 29 мая.
Я ўсіх-усіх запрашаю на наш дзень нараджэння! Там мы нарэшце зможам пазнаёміцца асабіста!
А яшчэ цікаўныя чытачы змогуць у гэты дзень пазнаёміцца з маімі бацькамі-журналістамі і задаць ім самыя розныя, нават асабістыя і правакацыйныя пытанні: яны абяцалі, што адкажуць на ўсе! І кожны жадаючы зможа сказаць усё, што ён думае пра нас.
Скажу па сакрэту: журналісты таксама збіраюцца пра тое-сёе спытаць у чытачоў, а тыя з іх, хто дасць найбольш правільных адказаў, атрымае прызы. Зрэшты, прызы атрымаюць ўсе, хто выпіша ў той дзень раённую газету – падпіска будзе прымацца прама на святочнай пляцоўцы.
А яшчэ мы падчас свята ўзнагародзім сем’і Сазон і Пілецкіх, якія сталі пераможцамі рэдакцыйнага конкурсу “Шчаслівыя разам”.
І, вядома ж, будуць іншыя прыемныя неспадзяванкі.
Прыходзьце, нашы сябры і чытачы! Я, ваша АПэшка, і мае бацькі-журналсіты будзем вас вельмі чакаць.
Сустрэнемся 29 мая, у аўторак, у 13 гадзін, на пляцоўцы каля будынка пошты!
Ваша АПэшка