Выхаванцы астравецкага дашкольнага цэнтра развіцця дзіцяці сталі валанцёрамі
15:17 / 08.11.2019
Ва ўстанове створаны атрад «Добрыя сэрцы», у які ўваходзяць выхавацелі, дзеці і іх бацькі. З дапамогай валанцёраў мы вучым выхаванцаў міласэрнасці, спагадзе, бескарыслівасці, а яшчэ з’ядноўваем дзяцей і бацькоў праз сумесныя справы.
Нядаўна ў нас адбылося пасвячэнне ў валанцёры. Членамі атрада стала дзевяць выхаванцаў: Лізавета Хвасценка, Паліна Замара, Анастасія Базюк, Ілля Стэх, Давід Юргелянец, Ягор Лукойць, Цімафей Коўзан, Аніта Рынкевіч і Мікалай Харытончык. На гэтую ўрачыстасць прыйшлі добраахвотнікі атрада «Здаровы лад жыцця» з СШ №2, якія расказалі пра сваю дзейнасць, павязалі шалікі новаспечаным аднадумцам і падарылі ім сувеніры.
Алена ВАСІЛЬЧЫК, загадчык ДЦРД №1
