Где лучше воспитание?
08:44 / 11.02.2019
– Цяпер «разбег» ва ўзросце дзядуль і ўнукаў складае гадоў 50-60 – гэта шмат. Пенсіянерам даволі складана на працягу дня сачыць за цікаўнымі і непаседлівымі гарэзамі. Канешне, па меры магчымасцей мы стараемся дапамагаць. Аднак дзеці дома не змогуць атрымаць такое ўсебаковае развіццё, як у садку.
Таццяна Русецкая, тэхнічны работнік:
– Канешне, у садку лепш. У бацькоў не заўсёды ёсць час на ўсебаковае выхаванне дзяцей. А ў садку дзіця з малых гадоў расце са сваімі аднагодкамі, пад прыглядам выхавацельніцы і нянечкі. І калі прыйдзе час дзіцяці ісці ў школу, яно хутчэй адаптуецца ў новым калектыве.
Леанід, пенсіянер (без фота):
– Мяне бацькі ў садок не аддавалі. У нас на вуліцы было чалавек пятнаццаць дашкольнікаў, і ніхто з дарослых за намі асабліва не сачыў. Чым займаліся? Ды ўсім: летам і зімой на рэчцы, у полі ці ў лесе гойсалі, кастры палілі, бульбу запякалі…
А цяпер іншае пакаленне: сучасныя дзеці ў большасці сваёй ад рэальнага жыцця адарваны, хілыя, слабыя, не чытаюць, не мараць.
Ганна:
– Я ў дзіцячым садку 37 гадоў адпрацавала, таму ўпэўнена, што дзецям абавязкова трэба выхоўвацца ў дзіцячым калектыве.
Дзеці цяпер з пялёнак разбіраюцца ў сучасных гаджэтах, аднак гэта не значыць, што яны самастойныя – наадварот, больш адарваныя ад рэчаіснасці. А ў садку выхавацельніца заўсёды можа іх зацікавіць нечым іншым, адцягнуць ад камп’ютараў.
Тамара:
– Садок дае развіццё дзіцяці, прывучае яго да соцыуму. Канешне, нельга сказаць, што садок – гэта абсалютны плюс. Напрыклад, некаторыя дзеці лёгка падхопліваюць інфекцыі. Аднак станоўчага ў садкоўскім выхаванні больш, чым адмоўнага.
– Дома пад прыглядам бабулі і дзядулі, канешне, лепш, чым у садку – больш свабоды, вольнага часу для сябе і сваіх інтарэсаў.
А ў садку, як я памятаю, ты ўвесь час нечым заняты: танцы, музыка, чыстапісанне. У садку з’яўляюцца першыя сябры. Ды і потым больш падрыхтаваным да школы будзеш.
