Страхуют ли островчане свою жизнь и имущество?
14:35 / 02.12.2017
Ці страхуюць сваё жыццё і маёмасць жыхары нашага раёна, высвятляў карэспандэнт.
Віялета Пікуцька, у адпачынку па доглядзе дзіцяці:
Адносна іншых відаў страхавання на сямейным савеце параіліся і вырашылі, што яно таго не варта. Лепш, чым страхавацца ад хваробы, купіць на гэтыя грошы вітамінаў, каб не захварэць.
Калі жыць з Божай дапамогай і пад яго наглядам, то ўсё будзе добра.
Галіна Зінкевіч, аграном (без фота):
– Абавязкова! Заўсёды страхую пабудовы, машыну, маёмасць ад прыродных катаклізмаў, стыхійных бедстваў і надзвычайных выпадкаў.
Аформіла поліс страхавання жыцця і здароўя на меншага сына. А сябе не страхую. Раней страхавалася, але неяк трапіла ў бальніцу, ніякіх выплат не атрымала – з тае пары перастала.
Алена Якубцэвіч, тэхнічны работнік (без фота):
– Канешне, звяртаюся! Жыццё ж – рэч непрадказальная, асабліва ў нашае хуткаснае стагоддзе. Лічу, што абавязкова варта страхаваць малых дзяцей, якія вельмі актыўна сябе паводзяць.
Сын у мяне ўжо самастойны – сам страхуе сваё жыццё і тое, што лічыць неабходным, а я апошнія гадоў пятнаццаць страхую толькі дом і маёмасць.
Вера, у адпачынку па доглядзе дзіцяці:
Гэта, лічу, варта рабіць людзям, чыё жыццё і здароўе бывае пад пагрозай: міліцыянеры, выратавальнікі, будаўнікі.
Ці трэба страхаваць дзяцей? Напэўна, так, але калі яны ўжо стануць больш самастойнымі. Мы з мужам раіліся на гэты конт і вырашылі, што пакуль яны пад маім наглядам, страхаваць іх не будзем.
Ганна Маргентал, памочнік выхавацеля:
Я нядаўна выступіла ў ролі паручыцеля, дык давялося застрахавацца – без гэтага аніяк, хаця ніколі да гэтага нічога не страхавала. Абяцалі, што ў выпадку некаторых здарэнняў выплаты могуць дасягнуць да 20 тысяч рублёў.
Планую страхавацца і надалей.
