С Днём Независимости!
Паважаныя жыхары Астравеччыны, дарагія ветэраны!
3 ліпеня адзначаецца галоўнае свята беларускай дзяржаўнасці – Дзень Незалежнасці Рэспублікі Беларусь.
Па волі народа Дзень Незалежнасці адзначаецца ў дату вызвалення Беларусі ад нямецка-фашысцкай акупацыі, тым самым звязваючы ў адно святыя для кожнага з нас паняцці – Свабода і Незалежнасць.
У гэты святочны дзень мы выказваем сардэчную ўдзячнасць вам, ветэраны Вялікай Айчыннай вайны, за ваш неўміручы подзвіг у гады вайны, за пасляваеннае аднаўленне гарадоў і вёсак.
Мы ўдзячны ўсім працаўнікам раёна, хто добрасумленнай працай умацоўвае эканоміку раёна, працуе ў сельскай гаспадарцы, адукацыі, культуры, ахове здароўя, будоўлі, спажывецкай кааперацыі. Няхай прафесійная дзейнасць прыносіць вам задавальненне, а жыццё дае сілы для рэалізацыі новых планаў і здзяйсненняў.
Дзень Незалежнасці – гэта свята ўсіх, хто ганарыцца сваёй краінай, сваёй працай уносіць пасільны ўклад у росквіт роднай зямлі.
Жадаем усім жыхарам Астравеччыны моцнага здароўя, шчасця, дабрабыту і ўпэўненасці ў заўтрашнім дні.
А.Д.Кавалька, старшыня раённага выканаўчага камітэта.
В.В.Барташэвіч, старшыня раённага Савета дэпутатаў.