Як дзеці адзначалі маміна свята

Штогод у нашай установе мы адзначаем Матулін дзень.

Звычайна прапаноўваем выхаванцам разам з іх матулямі паўдзельнічаць конкурсах фотакалажаў, малюнкаў, вырабаў, ладзім канцэрты і літаратурна-музычныя кампазіцыі. А сёлета вырашылі адысці ад традыцый - і запрасілі мам і іх дзяцей на спартыўнае свята “Мама і Я”.

Пасля ўрачыстага адкрыцця свята ўдзельнікам прапанавалі пазмагацца ў венікаболе, перанесці цяжкія “авоські”, “сабраць” ураджай, ”прыгатаваць” сняданне, “прыбрацца” ў хаце і нават адшукаць сваё дзіця. А ў перапынках паміж спаборніцтвамі дзеці дарылі сваім матулям і бабулям вершы і песні.

Іна САЛДАЦЕНКАВА,

намеснік дырэктара Мальскага НПК.