Основные события уходящего года
13:43 / 31.12.2018
Паспрабуем вызначыць галоўныя з іх.
МАСТАЦТВА
У сувязі з юбілеем горада Астравец атрымаў цэлы шэраг не толькі матэрыяльных, але і мастацкіх падарункаў, галоўнымі з якіх можна лічыць скульптуру «гербавай» рыбы – ласося работы Аляксандра Шохава, якая з’явілася на востраве кахання, іманументальныя муралы работы астравецкага мастака Дзяніса Ходаса, якія ўпрыгожылі сцены двух дамоў у горадзе.
СПОРТ
Шмат перамог заваявалі астравецкія спартсмены на спаборніцтвах самага рознага ўзроўню. Найбольш значныя з іх – двайная перамога на Кубку Рэспублікі Беларусь: Віталь Бандарэнка стаў лепшым у боксе, Аляксандр Ляховіч – у спартыўнай хадзьбе.
ГРАМАДСКАЕ ЖЫЦЦЁ
Галоўнай падзеяй грамадскага жыцця ў адыходзячым годзе сталі выбары дэпутатаў абласнога, раённага і сельскіх Саветаў дэпутатаў, якія прайшлі пры высокай актыўнасці грамадзян. Усе мясцовыя Саветы былі сфарміраваны пасля першага тура галасавання.
Дзейнасць нашых мясцовых органаў улады была высока адзначана ў вобласці: Міхалішкаўскі сельскі Савет і стараста аграгарадка Рытань Аляксандр Юргелянец сталі пераможцамі абласнога спаборніцтва.
УЗНАГАРОДЫ
Нямала было ў гэтым годзе і ўзнагарод – як асабістых, так і калектыўных.
Так, сем медалёў рознай вартасці, у тым ліку і Гран-пры, прывезлі астравецкія хлебапёкі з рэспубліканскага агляду якасці хлебабулачных і кандытарскіх вырабаў «Смаката-2018».
Медалём «За адзнаку ў папярэджанні і ліквідацыі надзвычайных сітуацый» быў узнагароджаны машыніст Астравецкага лясгаса Павел Афонін.
Ордэны Маці атрымалі Ганна Лаўрэцкая і Алеся Несцер.
У гэтым шэрагу не лішне ўспомніць і перамогі «Астравецкай праўды»:наша газета атрымала «Залатую Ліцеру» – вышэйшую ўзнагароду Нацыянальнага конкурсу друкаваных СМІ за работу ў сацыяльных сетках і была прызнана лепшай раённай газетай вобласці ў раёнах з колькасцю жыхароў да 45 тысяч чалавек.
Напершым энергаблоку Беларускай АЭС завяршылі бетанаванне купала знешняй ахоўнай абалонкі,мантаж вентыляцыйнай трубы, праліў актыўных і пасіўных сістэм бяспекі на адкрыты рэактар.
Надругім энергаблоку былі ўстаноўлены парагенератары, завершана зварка галоўнага цыркуляцыйнага трубаправода ібетаванне купала ўнутранай ахоўнай абалонкі, на пляцоўку будаўніцтва АЭС дастаўлены транспартны шлюз для гэтага энергаблока.
Эксперты місіі МАГАТЭ высока ацанілі гатоўнасць рэагавання Беларусі на магчымыя надзвычайныя сітуацыі на атаманай электрастанцыі.
ГАРАДСКІЯ «АБНОЎКІ»
Шмат «адкрыццяў» адбылося сёлета ў Астраўцы.
З найбольш значных і доўгачаканых –фізкультурна-спартыўны комплекс з басейнам, стадыён, дзіцячы садок, пажарнае дэпо, шматлікія гандлёвыя аб’екты, буйнейшы з якіх – гіпермаркет «Санта».
АРМІЯ
Нядаўна Астравеччына стала месцам дыслакацыі ваенных: на ахову правапарадку заступіла вайсковая часць Міністэрства ўнутраных спраў 7434. Акрамя службовых будняў, яе вайскоўцы сталі актыўнымі ўдзельнікамі ўсіх падзей у раёне.
А сёлета, атрымаўшы Баявы сцяг, на дзяжурства па ахове атамнай электрастанцыі і паветраных рубяжоў краіны заступіў гвардзейскі зенітны полк 1146. Летам ён паспяхова прайшоў вучэнні на расійскім палігоне «Ашулук», выканаўшы ўсе заданні з адзнакай «выдатна».