У Гродзенскай вобласці патануў яшчэ адзін рыбак
Вада не даруе памылак – і гэта пацвярджае статыстыка загінуўшых у вадзе.
Так, 58-гадовы жыхар Мастоўскага раёна адправіўся на рыбалку – і дахаты не вярнуўся. Вадалазы спачатку знайшлі пакінутую на беразе вуду, а затым і цела мужчыны – ён патануў.
ПАМЯТАЙЦЕ
– На крутых берагах рэк і азёр можа быць слізка: вы нават не заўважыце, як апынецеся ў вадзе.
– Хадзіць на рыбалку пажадана не аднаму, а кампаніяй: сябры ў выпадку чаго змогуць дапамагчы.
– Людзям з хворым сэрцам абавязкова трэба браць з сабой спецыяльныя медыцынскія прэпараты.
– Абавязкова надзявайце выратавальную камізэльку: яна дапаможа пратрымацца на вадзе, пакуль не прыйдзе дапамога.
Па стане на 25 сакавіка ў краіне патанула 22 чалавекі, сярод якіх 1 – непаўналетні. У Гродзенскай вобласці – 3 чалавекі.
Аксана КАРДАШ, старшыня раённай арганізацыі выратавальнікаў на водах.