Молодым есть чему поучиться
Падчас аператыўнага пасяджэння, прысвечанага падвядзенню вынікаў работы Астравецкага райаддзела ўнутраных спраў за мінулы год, праводзілі на заслужаны адпачынак старшага ўчастковага інспектара міліцыі І.С. Мацкойця.
Іван Станіслававіч аддаў добрасумленнаму служэнню ў органах унутраных спраў 31 год свайго жыцця. За гэты час ён зарэкамендаваў сябе вопытным і адданым сваім службовым абавязкам участковым інспектарам, на якога можна і патрэбна раўняцца маладому пакаленню.
У 1987 годзе Іван Станіслававіч удзельнічаў у ліквідацыі наступстваў ад аварыі на Чарнобыльскай атамнай электрастанцыі ў Хойніцкім і Брагінскіх раёнах, дзе ахоўваў грамадскі парадак.
Прадстаўнік абласнога ўпраўлення У.М. Сацюк пад дружныя апладысменты калег уручыў І.С. Мацкойцю пенсійнае пасведчанне і выказаў спадзяванне, што Іван Станіслававіч не забудзе раённы аддзел і стане дзяліцца сваім каштоўным вопытам з маладым папаўненнем міліцыі.
--------------------------------------------------
Марына МАЦКЕВІЧ, фота аўтара.